തിരുവനന്തപുരം:പൂവാറിൽ യുവാവിനെ എസ്‌ഐ കസ്റ്റഡിയിലെടുത്ത് മർദ്ദിച്ചതായി പരാതി. പൂവാർ കല്ലിംഗവിളാകാം സ്വദേശി സുധീർഖാനെയാണ് പൂവാർ എസ്‌ഐ സനൽ മർദിച്ചത്. സംഭവുമായി ബന്ധപ്പെട്ട് എസ് ഐ യെ അന്വേഷണ വിധേയമായി സസ്പെൻഡ് ചെയ്തു.
ഞായറാഴ്ച രാവിലെയായിരുന്നു സംഭവം. സുധീർ ഖാൻറെ ഭാര്യയെ ബീമാപള്ളിയിലെ വീട്ടിലേക്ക് ബസ് കയറ്റി വിട്ട ശേഷം പൂവാറിൽ നിൽക്കുമ്പോഴായിരുന്നു പോലീസ് കസ്റ്റഡിയിലെടുത്തതും തുടർന്ന് മർദ്ദിച്ചതും.ഓട്ടോറിക്ഷ തൊഴിലാളിയാണ് സുധീർ ഖാൻ.
ബൈക്കിനു സമീപത്തുനിന്ന സുധീർ ഖാനോട് ലൈസൻസ് ആവശ്യപ്പെട്ട പോലീസ് സംഘം രേഖകൾ ബൈക്കിൽനിന്ന് എടുക്കുന്നതിനു മുമ്പ്തന്നെ മർദ്ദനം ആരംഭിക്കുകയായിരുന്നു
എന്നാണ് പരാതി. വാഹനത്തിലുണ്ടായിരുന്ന പോലീസുകാരും എസ്ഐയും സ്റ്റേഷനിലെത്തി എത്തിച്ചും മർദ്ദനം തുടർന്നതായി സുധീർ ഖാൻ പറയുന്നു.ചികിത്സയിലാണ് ഇയാൾ.
എന്നാൽ പൂവാറിൽ ബോട്ട് ടൂറിസത്തിനായി എത്തുന്ന വിനോദസഞ്ചാരികളെ ചിലർ ശല്യപ്പെടുത്തുന്നത് പതിവാണെന്ന പരാതിയുടെ അടിസ്ഥാനത്തിൽ സ്ഥലത്ത് എത്തിയത് ആണെന്നും സംഭവസ്ഥലത്തുനിന്ന്
കസ്റ്റഡിയിലെടുത്ത സുധീർ ഖാനെ വൈകിട്ടോടെ വിട്ടയക്കുക ആയിരുന്നുവെന്നും പോലീസ് വ്യക്തമാക്കി.എന്നാൽ മർദ്ദിച്ച കാര്യത്തിൽ പോലീസ് മൗനമാണ് .മാധ്യമങ്ങളിൽ വാർത്ത വന്നതോടെ കൂടി സ്പെഷ്യൽ ബ്രാഞ്ച് നൽകിയ റിപ്പോർട്ടിന്റ അടിസ്ഥാനത്തിലാണ്
എസ്ഐക്ക് നേരെ നടപടിയെടുത്തത്.
