പാലായില്‍ ശബരിമല തീര്‍ത്ഥാടകര്‍ സഞ്ചരിച്ചിരുന്ന കാര്‍ മരത്തിലിടിച്ച് ഡ്രൈവര്‍ മരിച്ചു

പാലാ: ശബരിമല തീര്‍ത്ഥാടകര്‍ സഞ്ചരിച്ചിരുന്ന കാര്‍ നിയന്ത്രണം വിട്ട് മരത്തിലിടിച്ചു ഡ്രൈവര്‍ മരിച്ചു. കണ്ണൂര്‍ തളിപ്പമ്പ് കരിമ്പം സ്വദേശിയായ ആലന്‍വളപ്പില്‍ സുനില്‍ (43) ആണ് മരിച്ചത്. ഇന്നു വെളുപ്പിന് രണ്ടരയോടെ പാലാ പൊന്‍കുന്നം റോഡില്‍ ഒന്നാം മൈലിന് സമീപത്തായിരുന്നു അപകടം നടന്നത്.

ശബരിമല ദര്‍ശനം കഴിഞ്ഞ് മടങ്ങി വരുകയായിരുന്ന തീര്‍ത്ഥാടകരുടെ കാര്‍ നിയന്ത്രണം വിട്ട് മരത്തിലിടിക്കുകയായിരുന്നു. ഒപ്പമുണ്ടായിരുന്ന നാലുപേര്‍ക്ക് സാരമായ പരുക്കേറ്റു. ഇവരെ സമീപത്തെ ആശുപത്രിയില്‍ പ്രവേശിപ്പിച്ചു.