33.6 C
Kottayam
Monday, November 18, 2024
test1
test1

രണ്ട് സെക്കന്റില്‍ 100 കി.മീ. വേഗം, 1900 എച്ച്.പി.പവര്‍; ഇലക്ട്രിക് കരുത്തിലെ കുതിപ്പിന് ബാറ്റിസ്റ്റ

Must read

മുംബൈ:ആക്സിലറേറ്ററിൽ കാൽ അമർത്തിയാൽ വെറും രണ്ട് സെക്കന്റിൽ 100 കിലോമീറ്റർ വേഗതയിലെത്തും, ഏത് ആഡംബര കാറുകളെയും പിന്നിലാക്കുന്ന കരുത്ത്. പറഞ്ഞുവരുന്നത് ഇറ്റാലിയൻ വാഹന ഡിസൈൻ കമ്പനിയായ പിനിൻഫരീന പുറത്തിറക്കിയ ഇലക്ട്രിക് ഹൈപ്പർ കാറിനെ കുറിച്ചാണ്. ഇലക്ട്രിക് കരുത്തിന്റെ പര്യായമായി വിശേഷിപ്പിക്കപ്പെട്ടിരുന്ന ബാറ്റിസ്റ്റ ഇലക്ട്രിക് ഹൈപ്പർ കാർ മറനീക്കി പുറത്തുവന്നിരിക്കുകയാണ്.

ഇറ്റാലിയൽ വാഹന ഡിസൈൻ കമ്പനിയായ പിനിൻഫരീന ഇലക്ട്രിക് ഹൈപ്പർ കാറായ ബാറ്റിസ്റ്റ 2019-ൽ പ്രഖ്യാപിക്കപ്പെട്ടതാണ്. കാലിഫോർണിയയിലെ മൊണ്ടേറി കാർ വീക്കിൽ അവതരിപ്പിക്കാനൊരുങ്ങുന്ന ഈ വാഹനത്തിന്റെ ചിത്രങ്ങളും വിവരങ്ങളും കഴിഞ്ഞ ദിവസമാണ് നിർമാതാക്കൾ വെളിപ്പെടുത്തിയത്. ഇറ്റലിയിലെ വാഹന നിർമാതാക്കളിൽ നിന്ന് പുറത്തിറങ്ങുന്ന ഏറ്റവും കരുത്തനായ മോഡലെന്നാണ് ഈ വാഹനത്തെ വിശേഷിപ്പിക്കുന്നത്.

ബാറ്റിസ്റ്റ ഇലക്ട്രിക് ഹൈപ്പർ കാറിന്റെ 150 യൂണിറ്റ് മാത്രമായിരിക്കും നിർമിക്കുകയെന്നാണ് റിപ്പോർട്ട്. ഇതിൽ അഞ്ച് വാഹനങ്ങൾ ബാറ്റിസ്റ്റ ആനിവേഴ്സറിയോ എന്ന പേരിലായിരിക്കും പുറത്തിറക്കുക. യൂറോപ്പ്, നോർത്ത് അമേരിക്ക എന്നിവിടങ്ങളിലായിരിക്കും ബാറ്റിസ്റ്റയുടെ കൂടുതൽ യൂണിറ്റുകൾ വിൽപ്പനയ്ക്ക് എത്തുന്നത്. ചുരുക്കം എണ്ണം മാത്രമായിരിക്കും ഏഷ്യ, മിഡിൽ-ഈസ്റ്റ് രാജ്യങ്ങളിലും വിൽപ്പനയ്ക്ക് എത്തുക്കുകയെന്നാണ് വിവരം

സൂപ്പർകാറുകളുടെ തനതായ ഡിസൈൻ ശൈലികൾ പിന്തുടർന്നാണ് ബാറ്റിസ്റ്റയും ഒരുങ്ങിയിട്ടുള്ളത്. ഫ്രണ്ടി സ്പ്ലിറ്റർ, സൈഡ് ബ്ലേഡുകൾ, റിയർ ഡിഫ്യൂസർ തുടങ്ങിയവയാണ് ഈ വാഹനത്തിന് സൂപ്പർ കാർ ഭാവം പകരുന്നത്. ആനിവേഴ്സറിയോ മോഡൽ ഡിസൈനിൽ വേറിട്ട് നിൽക്കുമെന്നാണ് സൂചന. പ്രീമിയം ലെതറിൽ ഐകോണിക്ക ബ്ലു കോൺട്രാസ്റ്റ് സ്റ്റിച്ചിങ്ങുകൾ നൽകിയുള്ള സീറ്റായിരിക്കും അകത്തളത്തിലെ പ്രധാന ആകർഷണം. കറുപ്പായിരിക്കും ഇന്റീരിയറിന്റെ ഭാവം.

120 കിലോവാട്ട് ശേഷിയുള്ള ബാറ്ററി പാക്കാണ് ബാറ്റിസ്റ്റയിൽ നൽകിയിട്ടുള്ളത്. അത്യാധുനിക സാങ്കേതികവിദ്യയിലുള്ള നാല് മോട്ടോറുകളാണ് ഈ വാഹനത്തിന് കരുത്ത് പകരുന്നത്. ഇത് 1900 ബിഎച്ച്പി കരുത്തും 2300 എൻഎം ടോർക്കുമേകും. രണ്ട് സെക്കന്റിനുള്ളിൽ പൂജ്യത്തിൽ നിന്ന് നൂറ് കിലോമീറ്റർ വേഗത കൈവരിക്കാൻ ഈ വാഹനത്തിനാകും. 12 സെക്കന്റിൽ 300 കിലോമീറ്റർ വേഗത നേടും. 350 കിലോമീറ്ററാണ് പരമാവധി വേഗത.

ഒരു ഇലക്ട്രിക് ഹൈപ്പർ കാറിൽ നൽകാവുന്ന ഏറ്റവും ഉയർന്ന റേഞ്ചാണ് ബാറ്റിസ്റ്റ നൽകുകയെന്നാണ് വിവരം. ഒറ്റത്തവണ ബാറ്ററി ചാർജ് ചെയ്താൽ 500 കിലോമീറ്റർ വരെ സഞ്ചരിക്കാൻ സാധിക്കുമെന്നാണ് അവകാശപ്പെടുന്നത്. ഈ വർഷം അവസാനത്തോടെ ഉപയോക്താക്കളിലെത്തുമെന്ന് പ്രതീക്ഷിക്കുന്ന ഈ വാഹനത്തിന് 16.32 കോടി രൂപയാണ് പ്രതീക്ഷിക്കുന്ന വില. ബുഗാട്ടി ഷിറോൺ, ലംബോർഗിനി വാഹനങ്ങളായിരിക്കും ബാറ്റിസ്റ്റയുടെ പ്രധാന എതിരാളികൾ.

ബ്രേക്കിംഗ് കേരളയുടെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക Whatsapp Group | Telegram Group | Google News

More articles

മംഗളൂരുവിൽ ബീച്ച് റിസോർട്ടിലെ സ്വിമ്മിങ് പൂളിൽ 3 വിദ്യാര്‍ത്ഥികൾ മുങ്ങി മരിച്ച സംഭവത്തിൽ 2 പേ‌ർ അറസ്റ്റിൽ

കാസര്‍കോട്: മംഗളൂരു സോമേശ്വരയിലുള്ള റിസോർട്ടിലെ സ്വിമ്മിങ് പൂളിൽ മൂന്ന് വിദ്യാർത്ഥികൾ മുങ്ങി മരിച്ച സംഭവത്തിൽ രണ്ട് പേർ അറസ്റ്റിൽ. വാസ്‌കോ ബീച്ച് റിസോർട്ട് ഉടമ മനോഹർ, മാനേജർ ഭരത് എന്നിവരെയാണ് ഉള്ളാൽ പൊലീസ്...

ആനയേയും മോഹൻലാലിനെയും കെ.മുരളീധരനെയും എത്ര കണ്ടാലും മടുക്കില്ല , പൊതുവേദിയില്‍ മുരളിക്കൊപ്പം സന്ദീപ് വാര്യര്‍

പാലക്കാട്: കോണ്‍ഗ്രസ് നേതാവ് കെ. മുരളീധരനും ബി.ജെ.പി വിട്ട് കോണ്‍ഗ്രസിലെത്തിയ സന്ദീപ് വാര്യരും വേദി പങ്കിട്ടു. പാലക്കാട് നിയമസഭ ഉപതെരഞ്ഞെടുപ്പ് പ്രചാരണത്തിന്റെ കൊട്ടിക്കലാശ ദിനത്തിലാണ് ഇരുവരും ഒരു വേദിയിലെത്തിയത്. നേരത്തെ സന്ദീപിന്റെ കടന്നുവരവില്‍...

‘ഇവിടെ നടക്കുന്നതൊന്നും നിങ്ങളറിയുന്നില്ലേ, നാണമില്ലേയെന്നും ചോദിച്ചു’ ധനുഷിനെതിരെ നടി രാധിക ശരത്കുമാറും

ചെന്നൈ: വിഗ്നേഷ് ശിവൻ - നയൻതാര പ്രണയ ബന്ധത്തെ കുറിച്ച് ധനുഷ് തന്നോട് വിളിച്ച് സംസാരിച്ചിരുന്നുവെന്ന് രാധിക ശരത് കുമാർ. ഇവിടെ നടക്കുന്നതൊന്നും നിങ്ങളറിയുന്നില്ലേ,  നിങ്ങൾക്ക് നാണം ഇല്ലേ എന്ന് ധനുഷ് ചോദിച്ചുവെന്നാണ്...

‘നയൻതാര: ബിയോണ്ട് ദി ഫെയ്റി ടേൽ’ എത്തി;താരത്തിന്‌ നെറ്റ്ഫ്ലിക്സിന്റെ പിറന്നാൾ സമ്മാനം

ചെന്നൈ:ഏറെ നാളത്തെ കാത്തിരിപ്പിന് ഒടുവിൽ തെന്നിന്ത്യൻ താരസുന്ദരി നയൻതാരയുടെ വിവാഹ ഡോക്യുമെന്ററി സ്ട്രീമിം​ഗ് ആരംഭിച്ചു. പ്രമുഖ ഒടിടി പ്ലാറ്റ്ഫോമായ നെറ്റ്ഫ്ലിക്സിലൂടെയാണ് സ്ട്രീമിം​ഗ്. നയൻതാരയുടെ ജന്മദിനത്തിലാണ് വീഡിയോ പുറത്തിറങ്ങിയിരിക്കുന്നത് എന്നത് ഏറെ ശ്രദ്ധേയമാണ്. ഗൗതം...

‘ഉള്ളിലെ സംഘി ഇടയ്ക്കിടെ പുറത്ത് വരും’ പാണക്കാട് തങ്ങൾക്കെതിരായ പിണറായുടെ പരമാർശത്തിനെതിരെ രാഹുൽ

പാലക്കാട്: മുസ്ലീം ലീഗ് സംസ്ഥാന അധ്യക്ഷൻ സാദിഖലി ശിഹാബ് തങ്ങള്‍ക്കെതിരേയുള്ള  മുഖ്യമന്ത്രി പിണറായ വിജയന്‍റെ പ്രസ്കതാവനക്കെതിരെ  വിമർശനവുമായി പാലക്കാട്ടെ യുഡിഎഫ് സ്ഥാനാർത്ഥി രാഹുൽ മാങ്കൂട്ടത്തിൽ. പാണക്കാട് തങ്ങൾക്കെതിരെ പിണറായിയുടെ പരാമർശം  പൊളിറ്റിക്കൽ അറ്റാക്ക്...

Popular this week

Ads Blocker Image Powered by Code Help Pro

Ads Blocker Detected!!!

We have detected that you are using extensions to block ads. Please support us by disabling these ads blocker.