24.4 C
Kottayam
Sunday, September 29, 2024

സിനിമക്ക് വേണ്ടി നിര്‍മിച്ച സെറ്റ് സീരിയലിന് വേണ്ടി ഉപയോഗിച്ചു; മലയാളത്തിലെ പ്രമുഖ ചാനലിനെതിരെ നിയമനടപടിക്കൊരുങ്ങി പള്ളിമണി ടീം

Must read

മലയാളത്തിലെ പ്രമുഖ വിനോദ ചാനലില്‍ സംപ്രേഷണം ചെയ്യുന്ന സീരിയലിനെതിരെ നിയമ നടപടിക്കൊരുങ്ങി പള്ളിമണി എന്ന സിനിമയുടെ അണിയറപ്രവര്‍ത്തകര്‍. കലാസംവിധായകനായ അനില്‍ കുമ്പഴ ആദ്യമായി സംവിധാനം ചെയ്യുന്ന ചിത്രമാണ് പള്ളിമണി. ഇതിന് വേണ്ടി തിരുവനന്തപുരത്തെ ചിത്രാജ്ഞലി സ്റ്റുഡിയോയില്‍ നിര്‍മിച്ച സെറ്റ് അനുവാദമില്ലാതെ ‘രാക്കുയില്‍’ എന്ന സീരിയലിന് വേണ്ടി ഉപയോഗിച്ചെന്നാണ് സംവിധായകന്‍ അനില്‍ കുമ്പഴ ആരോപിക്കുന്നത്.

അമ്പതു ലക്ഷം രൂപ മുതല്‍മുടക്കില്‍ സിനിമക്ക് വേണ്ടി ചിത്രാഞ്ജലിയില്‍ നിര്‍മിച്ച പള്ളിയാണ് സീരിയലിലെ സീനില്‍ ഉള്‍പ്പെടുത്തിയിരിക്കുന്നത്. സീരിയലിന്റെ പ്രൊമോ വീഡിയോ പുറത്തുവന്നതോടെ സംഭവത്തില്‍ പ്രതികരിച്ച് അനില്‍ കുമ്പഴ രംഗത്തെത്തിയിട്ടുണ്ട്. സംഭവം വേദനിപ്പിച്ചെന്നും സീരിയലിനെതിരെ നിയമനടപടിക്കൊരുങ്ങുമെന്നാണ് സംവിധായകന്‍ പറയുന്നത്. ”ഏകദേശം 15 ദിവസമെടുത്ത് നാല്‍പതോളം കലാകാരന്‍മാരുടെ കഷ്ടപ്പാടിന്റെ ഫലമാണ് ഈ പള്ളി. അത് ഈ സിനിമയ്ക്ക് എത്രത്തോളം പ്രാധാനപ്പെട്ടതാണെന്ന് ചിത്രം കണ്ടാലേ മനസിലാവുകയുള്ളു. ഇത് ശരിക്കും ചിത്രാജ്ഞലിക്കാരുടെ അനാസ്ഥ കൊണ്ട് സംഭവിച്ചതാണ്.

ദിവസവാടകയും ടാക്സും കൊടുത്താണ് ഈ പള്ളി ഇവിടെ സെറ്റിട്ടിരിക്കുന്നത്. അപ്പോള്‍ ഇതിന്റെ പൂര്‍ണ ഉത്തരവാദിത്തം ചിത്രാജ്ഞലിക്കാണ്. ഈ സീരിയലിന്റെ പള്ളിയുള്ള ഭാഗം കട്ട് ചെയ്ത് കളയണം അല്ലെങ്കില്‍ നിയമനടപടികള്‍ സ്വീകരിക്കും,” അനില്‍ കുമ്പഴ പറഞ്ഞു. സീരിയലിന്റെ എപ്പിസോഡ് ടെലികാസ്റ്റ് ചെയ്യരുതെന്നാണ് സംവിധായകന്റെ ആവശ്യം. ശ്വേതാ മേനോന്‍, നിത്യ ദാസ് എന്നിവര്‍ കേന്ദ്ര കഥാപാത്രമായെത്തുന്ന പള്ളിമണി എല്‍.എ പ്രൊഡക്ഷന്‍സിന്റെ ബാനറില്‍ ലക്ഷ്മി, അരുണ്‍ മേനോന്‍ എന്നിവര്‍ ചേര്‍ന്നാണ് നിര്‍മിക്കുന്നത്. രാത്രിയില്‍ തീര്‍ത്തും അപരിചിതമായ ഒരു സ്ഥലത്ത് ഒറ്റപ്പെട്ടുപോകുന്ന ദമ്പതികളുടെയും അവരുടെ മക്കളുടെയും അതിജീവനത്തിന്റെ കഥ പറയുന്ന ചിത്രമാണ് പള്ളിമണി.

കൈലാഷ്, ദിനേശ് പണിക്കര്‍, ഹരികൃഷ്ണന്‍ എന്നിവരാണ് ചിത്രത്തില്‍ മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്. സൈക്കോ-ഹൊറര്‍ ത്രില്ലര്‍ ആയി ഒരുങ്ങുന്ന പള്ളിമണിയുടെ രചന നിര്‍വഹിക്കുന്നത് കെ.വി. അനിലാണ്. ഛായാഗ്രഹണം അനിയന്‍ ചിത്രശാല. നാരായണന്റെ വരികള്‍ക്ക് ശ്രീജിത്ത് രവി സംഗീതം നല്‍കിയിരിക്കുന്നു. വിനീത് ശ്രീനിവാസനാണ് ഗാനാലാപനം. മൂന്നു നിലകളുള്ള പള്ളിയുടെ നിര്‍മാണം ചിത്രാഞ്ജലിയില്‍ പൂര്‍ത്തിയായി വരികയാണ്.

കലാസംവിധാനം സജീഷ് താമരശ്ശേരി, വസ്ത്രാലങ്കാരം ബ്യൂസി ബി ജോണ്‍, മേക്കപ്പ് പ്രദീപ് വിതുര, എഡിറ്റിംഗ് ആനന്ദു എസ് വിജയി, സ്റ്റില്‍സ് ശാലു പേയാട്, ത്രില്‍സ് ജിറോഷ്, പ്രൊജക്റ്റ് ഡിസൈനര്‍ രതീഷ് പല്ലാട്ട്, അനുകുട്ടന്‍, ജോബിന്‍ മാത്യു, ഡിസൈനര്‍ സേതു ശിവാനന്ദന്‍. വാര്‍ത്താ പ്രചരണം സുനിത സുനില്‍.

ബ്രേക്കിംഗ് കേരളയുടെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക Whatsapp Group | Telegram Group | Google News

More articles

ഉദയനിധി സ്റ്റാലിൻ തമിഴ്നാട് ഉപമുഖ്യമന്ത്രി; സെന്തിൽ ബാലാജി വീണ്ടും മന്ത്രി, അം​ഗീകരിച്ച് ഗവർണർ

ചെന്നൈ: സ്റ്റാലിന്റെ മകൻ ഉദയനിധി സ്റ്റാലിനെ തമിഴ്നാട് ഉപമുഖ്യമന്ത്രിയായി തെരഞ്ഞെടുത്തു. 46-ാം വയസ്സിലാണ് ഉദയനിധി ഉപമുഖ്യമന്ത്രിയാകുന്നത്. നേരത്തെ, ഉദയനിധി ഉപമുഖ്യമന്ത്രിയാവുമെന്ന് അഭ്യൂഹങ്ങൾ ഉണ്ടായിരുന്നെങ്കിലും അത്തരത്തിലുള്ള പ്രചാരണങ്ങളെല്ലാം സ്റ്റാലിൻ തള്ളിയിരുന്നു. ഉദനനിധി സ്റ്റാലിനൊപ്പം മന്ത്രിസഭയിലും മാറ്റങ്ങൾ...

തപാൽ വകുപ്പിൽ ജോലി തരപ്പെടുത്തി കൊടുക്കാമെന്നു പറഞ്ഞ് നാല് ലക്ഷം രൂപ തട്ടിയെടുത്തു; യുവതി അറസ്റ്റിൽ

കൊച്ചി: തപാൽ വകുപ്പിൽ ജോലി തരപ്പെടുത്തി കൊടുക്കാമെന്നു പറഞ്ഞ് നാല് ലക്ഷം രൂപ തട്ടിയെടുത്ത കേസിൽ യുവതി അറസ്റ്റിൽ. എറണാകുളം മാലിപ്പുറം വലിയപറമ്പിൽ വീട്ടിൽ ഗീവറിന്റെ ഭാര്യ മേരി ദീന ആണ് പിടിയിലായത്. തപാൽ...

അമ്മയെ ബ്രൂട്ടല്ലി ടോര്‍ച്ചര്‍ ചെയ്ത അച്ഛന്റെ മകള്‍; കണ്ണീര്‍ പ്രകടനങ്ങള്‍ക്ക് അപ്പുറത്തെ 'നല്ല അച്ഛന്റെ' മുഖം

കൊച്ചി:ബാലയ്‌ക്കെതിരായ മകളുടെ വീഡിയോയെ വിമര്‍ശിച്ചയാള്‍ക്ക് മറുപടിയുമായി അഭിരാമി സുരേഷ്. കഴിഞ്ഞ ദിവസമാണ് ബാലയ്‌ക്കെതിരെ മകള്‍ സോഷ്യല്‍ മീഡിയയിലൂടെ രംഗത്തെത്തിയത്. അച്ഛന്‍ തന്നേയും അമ്മയേയും ഉപദ്രവിച്ചതിനെക്കുറിച്ച് മകള്‍ വീഡിയോയില്‍ സംസാരിക്കുന്നുണ്ട്. പിന്നാലെ അമൃതയും ബാലയ്‌ക്കെതിരെ...

റോഡിലെ കുഴിയിൽ വീണ് ടയർ പൊട്ടി; ജസ്റ്റിസ് ദേവൻ രാമചന്ദ്രന്റെ കാർ അപകടത്തിൽപ്പെട്ടു

തൃശൂർ∙ ഹൈക്കോടതി ജസ്റ്റിസ് ദേവൻ രാമചന്ദ്രന്റെ കാർ അപകടത്തിൽപ്പെട്ടു. തൃശൂർ-കുന്നംകുളം റോഡിൽ മുണ്ടൂരിലെ കുഴിയിൽ വീണാണു കാർ അപകടത്തിൽപ്പെട്ടത്. കോഴിക്കോട്ടേയ്ക്കുള്ള യാത്രയ്ക്കിടെയായിരുന്നു അപകടം. കാറിന്റെ മുൻവശത്തെ ഇടതുഭാഗത്തെ ടയർ പൊട്ടി. തലനാരിഴയ്ക്കാണ് ജസ്റ്റിസ്.ദേവൻ രാമചന്ദ്രൻ അപകടത്തിൽ...

നടിയും അഭിഭാഷകനും ബ്ലാക്മെയിൽ ചെയ്തു; ഡിജിപിക്ക് പരാതി നൽകി ബാലചന്ദ്രമേനോൻ

കൊച്ചി: ആലുവ സ്വദേശിയായ നടിയും അഭിഭാഷകനും ബ്ലാക്മെയിൽ ചെയ്തെന്ന പരാതിയുമായി നടനും സംവിധായകനുമായ ബാലചന്ദ്രമേനോൻ. നടിക്കെതിരെയും ഇവരുടെ അഭിഭാഷകനെതിരെയും സംസ്ഥാന പൊലീസ് മേധാവിക്കാണ് ബാലചന്ദ്രമേനോൻ പരാതി നൽകിയിരിക്കുന്നത്. അഭിഭാഷകൻ ബ്ലാക്മെയിൽ ചെയ്തെന്നാണ് പരാതി. മൂന്ന്...

Popular this week