നാലുമാസം കഴിഞ്ഞിട്ടും കേടാകാത്ത അത്ഭുത ഓറഞ്ച്! യുവാവിന്റെ ഫേസ്ബുക്ക് പോസ്റ്റ് വൈറലാകുന്നു
കീടനാശിനികളും മരുന്നുകളും അടിക്കാത്ത പഴവര്‍ഗങ്ങള്‍ ഇന്ന് വിപണിയില്‍ വളരെ കുറവാണ്. പഴവര്‍ഗങ്ങളും പച്ചക്കറികളും കേടാകാതിരിക്കാന്‍ മാരക വിഷാംശമുള്ള മരുന്നുകളും കീടനാശിനികളുമാണ് ഉപയോഗിക്കുന്നത്. ഈ വസ്തുത അറിയാമെന്നിരിക്കെയാണ് പൃഥ്വിരാജ് എന്ന യുവാവിന്റെ ഫേസ്ബുക്ക് പോസ്റ്റ് ശ്രദ്ധേയമാകുന്നത്. നാല് മാസം കഴിഞ്ഞിട്ടും യാതൊരു കേടും കൂടാതെ ഫ്രഷ് ആയിട്ടിരിക്കുന്ന രണ്ട് അത്ഭുത ഓറഞ്ചുകളാണ് ഈ യുവാവ് പരിചയപ്പെടുത്തുന്നത്.
‘4 മാസം പഴക്കമുള്ള ഫ്രെഷ് ഓറഞ്ച്…. മാസം 4 ആയിട്ടും ഇതുവരെ കേടു വന്നിട്ടില്ല… ഭാര്യയ്ക്ക് 7 മാസം ആയപ്പോ കൂട്ടുകാര്‍ കൊണ്ടുവന്നത്… ഇപ്പോള്‍ പ്രസവം കഴിഞ്ഞ് മാസം ഒന്നു ആയി’ എന്ന കുറിപ്പോടെയാണ് പൃഥ്വിരാജ് എന്ന യുവാവിന്റെ പോസ്റ്റ്. ഒരു പ്രമുഖ ഫേസ്ബുക്ക് ഗ്രൂപ്പിലാണ് യുവാവ് ഓറഞ്ചിന്റെ ചിത്രം സഹിതം പോസ്റ്റ് ചെയ്തിരിക്കുന്നത്. സംഭവം ഇപ്പോള്‍ സോഷ്യല്‍ മീഡിയയില്‍ വൈറലായികൊണ്ടിരിക്കുകയാണ്.
