ആലുവയില്‍ പന്ത്രണ്ടുകാരിയെ അയല്‍വാസിയായ അമ്പതുകാരന്‍ പീഡിപ്പിച്ചെന്ന് പരാതി

കൊച്ചി: ആലുവയില്‍ അയല്‍വാസിയായ അമ്പതുകാരന്‍ പന്ത്രണ്ടു വയസുകാരിയെ പീഡിപ്പിച്ചെന്ന് പരാതി. വെസ്റ്റ് വെളിയത്തുനാട് സ്വദേശി അലിക്കെതിരെ പോക്സോ നിയമപ്രകാരം പോലീസ് കേസെടുത്തു.

രണ്ടുവര്‍ഷമായി ഇയാള്‍ കുട്ടിയെ പീഡിപ്പിക്കുകയായിരുന്നെന്നാണ് പരാതി. പെണ്‍കുട്ടി തന്നെ വീട്ടുകാരെ വിവരം അറിയിക്കുകയും തുടര്‍ന്ന് അവര്‍ പോലീസില്‍ പരാതി നല്‍കുകയുമായിരുന്നു.