ന്യൂഡല്ഹി: കേരളത്തില് ഇതുവരെ ലൗ ജിഹാദ് റിപ്പോര്ട്ട് ചെയ്തിട്ടില്ലെന്ന് കേന്ദ്ര ആഭ്യന്തര മന്ത്രാലയം. ലോക്സഭയില് ബെന്നി ബെഹനാന് എംപിയുടെ ചോദ്യത്തിനുള്ള മറുപടിയായാണ് ആഭ്യന്തര സഹമന്ത്രി നിത്യാനന്ദ് റായ് ഇക്കാര്യം അറിയിച്ചത്.
അതേസമയം ഇതുമായി ബന്ധപ്പെട്ട രണ്ടുകേസുകള് എന്ഐഎ അന്വേഷിക്കുന്നുണ്ടെന്നും ആഭ്യന്തര സഹമന്ത്രി നിത്യാനന്ദ് റായ് നല്കിയ മറുപടിയില് പറയുന്നു. ലൗ ജിഹാദിന് നിയമത്തില് വ്യാഖ്യാനങ്ങളില്ലെന്നും മറുപടിയില് പറയുന്നു.
കേരളത്തില് ലൗ ജിഹാദില്ലെന്ന് കേരള സംസ്ഥാന സര്ക്കാരും ഹൈക്കോടതിയും നേരത്തെ തന്നെ വ്യക്തമാക്കിയിരുന്നു. എന്നാല് സിറോ മലബാര് സഭ ലൗ ജിഹാദ് ഉണ്ടെന്ന് നിലപാടെടുത്തതോടെയാണ് ഇത് വീണ്ടും ഉയര്ന്നുവന്നത്.
കേരളത്തില് രണ്ട് മത വിഭാഗക്കാര് തമ്മില് വിവാഹം നടന്നിട്ടുണ്ടെന്നും എന്നാല് എന്ഐഎ അടക്കം അന്വേഷിച്ചിട്ടും ലൗ ജിഹാദ് നടന്നതായി കണ്ടെത്തിയിട്ടില്ലെന്നും മന്ത്രി വിശദീകരിച്ചു.