അമേരിക്കയ്ക്ക് എതിരായ ലോകകപ്പ് മത്സരത്തിൽ ഇന്ത്യക്ക് ടോസ്. രോഹിത് ശർമ്മ ടോസ് വിജയിച്ച ശേഷം ആദ്യം ബൗൾ ചെയ്യാൻ തീരുമാനിച്ചു. ഇന്ന് വിജയിച്ചാൽ ഇന്ത്യക്ക് സൂപ്പർ 8 ഉറപ്പിക്കാം. ഇന്ത്യയും അമേരിക്കയും കളിച്ച രണ്ടു മത്സരങ്ങളും വിജയിച്ചാണ് ഈ കളിക്ക് ഇറങ്ങുന്നത്.
ഇന്ത്യൻ ടീമിൽ ഇന്ന് മാറ്റങ്ങൾ ഒന്നുമില്ല. സഞ്ജു സാംസൺ ഇന്നും ടീമിൽ ഇല്ല. ഫോമിൽ അല്ല എങ്കിലും അതേ ബാറ്റിംഗ് ടീമിനെ തന്നെ നിലനിർത്താൻ ആണ് ഇന്ത്യ തീരുമാനിച്ചത്.
India (Playing XI): Rohit Sharma(c), Virat Kohli, Rishabh Pant(w), Suryakumar Yadav, Shivam Dube, Hardik Pandya, Ravindra Jadeja, Axar Patel, Jasprit Bumrah, Arshdeep Singh, Mohammed Siraj
United States (Playing XI): Steven Taylor, Shayan Jahangir, Andries Gous(w), Aaron Jones(c), Nitish Kumar, Corey Anderson, Harmeet Singh, Shadley van Schalkwyk, Jasdeep Singh, Saurabh Netravalkar, Ali Khan
ആദ്യ മത്സരത്തില്‍ അയര്‍ലന്‍ഡിനെ 8 വിക്കറ്റിനും രണ്ടാം മത്സരത്തില്‍ പാകിസ്താനെ 6 റണ്‍സിനും തോല്‍പ്പിച്ച ഇന്ത്യ ഇന്ന് അമേരിക്കയെ തോല്‍പ്പിച്ചാല്‍ സൂപ്പര്‍ 8ലേക്കുള്ള ടിക്കറ്റെടുക്കും. എന്നാല്‍ അമേരിക്കയെ നിസാരക്കാരായി തള്ളിക്കളയാനാവില്ല. കാനഡയെ തോല്‍പ്പിച്ച അമേരിക്ക കരുത്തരായ പാകിസ്താനെ അട്ടിമറിക്കുകയും ചെയ്തു.
അതുകൊണ്ടുതന്നെ ഇന്ത്യക്ക് അനായാസമായി ജയം നേടിയെടുക്കാനാവില്ലെന്ന് പറയാം. ഇന്ത്യന്‍ വംശജരായ മൂന്ന് പേര്‍ അമേരിക്കയുടെ പ്ലേയിങ് 11ലുണ്ടാവും. ഇന്ത്യക്കായി അണ്ടര്‍ 19 ലോകകപ്പ് കളിച്ച പേസറാണ് സൗരഭ് നേത്രാവല്‍ക്കര്‍. ആരോണ്‍ ജോണിസിനെപ്പോലെ മികച്ച ബാറ്റ്‌സ്മാന്‍മാരും അമേരിക്കന്‍ ടീമിലുണ്ട്. അതുകൊണ്ടുതന്നെ ഇന്ത്യക്ക് കാര്യങ്ങള്‍ കടുപ്പമാണെന്ന് പറയാം. ആത്മവിശ്വാസത്തോടെയെത്തുന്ന അമേരിക്കയ്ക്ക് ആതിഥേയരെന്ന മുന്‍തൂക്കവുമുണ്ട്.
ഇന്ത്യയുടെ ഓപ്പണിങ് ക്ലിക്കായിട്ടില്ല. രോഹിത് ശര്‍മക്കൊപ്പം വിരാട് കോലി ഓപ്പണറാവുമ്പോള്‍ പ്രതീക്ഷിച്ച തുടക്കം ലഭിക്കുന്നില്ല. റിഷഭ് പന്ത് ഭേദപ്പെട്ട പ്രകടനം നടക്കുമ്പോള്‍ മധ്യനിര താരങ്ങളില്‍ ആരും ഫോമിലല്ല. സൂര്യകുമാര്‍ യാദവ് വമ്പനടിക്കാരനാണെങ്കിലും താളം കണ്ടെത്താനായിട്ടില്ല. ഹാര്‍ദിക്കും പ്രയാസപ്പെടുന്നു. ശിവം ദുബെയെ ഇന്ത്യ എന്തിനാണ് കളിപ്പിക്കുന്നതെന്ന വിമര്‍ശനവും ശക്തമാണ്. രവീന്ദ്ര ജഡേജയുടെ പ്രകടനം നിരാശപ്പെടുത്തുന്നതാണ്. ബാറ്റിങ്ങിലും ബൗളിങ്ങിലും ഫോം കണ്ടെത്താനായിട്ടില്ല. എന്തായാലും അമേരിക്കയുടെ ഭാഗത്തുനിന്ന് ശക്തമായ പോരാട്ടം ഇന്ത്യക്ക് നേരിടേണ്ടി വരുമെന്ന കാര്യം ഉറപ്പാണ്.
