അഴിമതി കേസ്: ഗൗതം അദാനിക്കെതിരെ സിവിൽ, ക്രിമിനൽ വിചാരണയ്ക്ക് യുഎസ് കോടതിയുടെ ഉത്തരവ്

ഡൽഹി: ​ഗൗതം അദാനിക്കെതിരെ സിവിൽ, ക്രിമിനൽ വിചാരണയ്ക്ക് യു എസ് കോടതിയുടെ ഉത്തരവ്. 265 മില്യൺ ഡോളറിന്റെ അഴിമതി കേസിലാണ് കോടതി നടപടി. നിലവിലുള്ള മൂന്ന് കേസുകളും സംയുക്ത വിചാരണയിൽ ഒരുമിച്ച് പരി​ഗണിക്കുമെന്ന് കോടതി പറഞ്ഞു. ജുഡിഷ്യൽ കാര്യക്ഷമത പ്രോത്സാഹിപ്പിക്കുന്നതിനും പരസ്പരവിരുദ്ധമായ ഷെഡ്യൂളുകൾ ഒഴിവാക്കുന്നതിനുമാണ് തീരുമാനമെന്ന് കോടതി പറഞ്ഞു.

എല്ലാ കേസുകളും അ​​ദാനിക്കെതിരായ ക്രിമിനൽ കേസിന്റെ മേൽനേട്ടം വഹിക്കുന്ന ജില്ലാ ജഡ്ജ് നിക്കോളാസ് ജി ​ഗരൗഫിസിനെ ഏൽപ്പിക്കും. കേസുകളുെടെ പുനർ വിന്യാസം നടത്താൻ കോടതി ജീവനക്കാരെ ചുമതലപ്പെടുത്തിയിട്ടുണ്ട്. സംസ്ഥാന വൈദ്യുതി വിതരണ കമ്പനികളുമായി സൗരോർജ കരാർ ലഭിക്കുന്നതിന് 265 മില്യൺ യു എസ് ഡോളർ ( ഏകദേശം 2029 കോടി രൂപ ) കൈക്കൂലി നൽകിയെന്നാണ് അദാനിക്കും മറ്റുള്ളവർക്കുമെതിരെ ചുമത്തിയ കുറ്റം.

സോളാർ എൻർജി പദ്ധതികൾക്കായി അദാനി ​ഗ്രൂപ്പ് ഫണ്ട് സ്വരൂപിച്ച യു എസ് ബാങ്കുകളിൽ നിന്നും നിക്ഷേപകരിൽ നിന്നും വിവരങ്ങൾ മറച്ചുവെച്ചതായി യു എസ് പ്രോസിക്യൂട്ടർമാർ നേരത്തെ ആരോപിച്ചിരുന്നു. ആരോപണങ്ങൾ അടിസ്ഥാന രഹിതമാണെന്ന് അദാനി ​ഗ്രൂപ്പ് പറഞ്ഞു.

തങ്ങൾ ഒരു നിയമം അനുസരിക്കുന്ന ഒരു സ്ഥാപനമാണ് , എല്ലാ നിയമങ്ങളും പൂർണമായും അനുസരിക്കുന്നുവെന്നും കുറ്റാരോപണത്തെ അടിസ്ഥാനമാക്കിയാണ് കുറ്റപത്രമെന്നും തെളിയിക്കപ്പെടുന്നത് വരെ പ്രതികൾ നിരുപരാധികളാണെന്ന് കരുതുന്നുവെന്നും കമ്പനി വക്താവ് പറഞ്ഞു.

കേസിൽ അദാനിയെ കൂടാതെ മറ്റ് ഏഴ് പേരും കേസിൽ പ്രതികളാണ്. അദാനിയുടെ അടുത്ത ബന്ധു സാ​ഗർ അദാനിയാണ് മറ്റൊരു പ്രതി തട്ടിപ്പിനും ​ഗൂഢാലോചനയ്ക്കും വഞ്ചനയ്ക്കുമെതിരെയാണ് കുറ്റം ചുമത്തിയിട്ടുള്ളത്. മൾട്ടി ബില്യൺ ഡോളർ പദ്ധതികൾ വാ​ഗ്ദാനം ചെയ്ത് വ്യാജവും തെറ്റിദ്ധരിപ്പിക്കുന്നകുമായ പ്രസ്താനവകൾ നടത്തി കബളിപ്പിച്ചതായി ആരോപിക്കുന്നു.

വിവധ കരാറുകൾ സ്വന്തമാക്കാനായി 265 മില്യൺ ഡോളർ അദാനി ഇന്ത്യൻ ഉദ്യോ​ഗസ്ഥർക്ക് കൈക്കൂലിയായി നൽകിയെന്നാണ് കുറ്റപത്രത്തിൽ പറയുന്നത്. ഇതിലൂടെ രണ്ട് ബില്യൺ ഡോളർ ലാഭമുണ്ടാക്കുകയായിരുന്നു അദാനിയുടെ ലക്ഷ്യമെന്നാണ് ആരോപണം. ഈ അഴിമതി മറച്ചുവെച്ച് ​ഗൗതം അദാനിയും അദാനി ​ഗ്രീൻ എനർജി മുൻ സി ഇ ഒ വനീത് ജയിനും മൂന്ന് ബില്യൺ‌ ഡോളർ വായ്പകളിലൂടെയും ബോണ്ടുകളിലൂടെയും സ്വരൂപിച്ചെന്നും കേസുണ്ട്.