കോട്ടയം: കോട്ടയത്ത് കോണ്‍ഗ്രസ് നേതാവിനെ വീടിനോടു ചേര്‍ന്നുള്ള തൊഴുത്തില്‍ മരിച്ച നിലയില്‍ കണ്ടെത്തി. കോണ്‍ഗ്രസ് കടുത്തുരുത്തി ബ്ലോക്ക് ജനറല്‍ സെക്രട്ടറി സാജന്‍ കെ. ജേക്കബിനെയാണ് (44) തൊഴുത്തില്‍ മരിച്ച നിലയില്‍ കണ്ടെത്തിയത്.
അതേസമയം സമീപത്തായി ഒരു പശുവിനെയും ചത്തനിലയില്‍ കണ്ടെത്തിയിരുന്നു. ഇന്നലെ രാത്രി ഒന്‍പതു മണിയോടെയാണ് സംഭവം നടന്നത്. സംഭവമറിഞ്ഞെത്തിയ അയല്‍വാസികള്‍ ഉടന്‍ തന്നെ സാജനെ മുട്ടുചിറ എച്ച്ജിഎം ആശുപത്രിയില്‍ എത്തിച്ചെങ്കിലും രക്ഷിക്കാനായില്ല.
ഷോക്കേറ്റതാണെന്നാണ് പ്രാഥമിക നിഗമനം. ഇന്ന് വിശദമായ പരിശോധന നടത്തിയാലേ മരണകാരണം വ്യക്തമാകൂ എന്ന് പോലീസ് അറിയിച്ചു.
ബ്രേക്കിംഗ് കേരളയുടെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക Whatsapp Group
| Telegram Group | Google News
