കൊട്ടാരക്കര: നഗരത്തിലെ വ്യാപാര സ്ഥാപനത്തില്‍ കൂടുകൂട്ടിയ വെള്ളിമൂങ്ങകളെ പിടികൂടി. കൊട്ടാരക്കര ചന്തമുക്ക് പുത്തൂര്‍ റോഡില്‍ പ്രവര്‍ത്തിക്കുന്ന ധന്യ ഫര്‍ണിച്ചറില്‍ നിന്നാണ് മൂങ്ങകളെ പിടികൂടിയത്. പത്തനാപുരത്ത് നിന്നെത്തിയ ഫോറസ്റ്റ് സംഘമാണ് ഇവയെ പിടികൂടിയത്.
കഴിഞ്ഞ ദിവസം വൈകീട്ട് മൂന്നോടെയാണ് ഇവയെ കണ്ടെത്തിയത്. മുട്ടയിട്ട് വിരിഞ്ഞ രണ്ട് വെള്ളിമൂങ്ങ കുഞ്ഞുങ്ങള്‍ കൂടോടെ താഴെക്ക് വീഴുകയായിരുന്നു. കടയുടമ ഫാസില്‍ അറിയിച്ചതിനെതുടര്‍ന്ന് പത്തനാപുരം ഡി.എഫ്.ഒ ശ്യാമിന്റെ നേതൃത്വത്തില്‍ ഫോറസ്റ്റ് സംഘം സ്ഥലത്തെത്തി മൂങ്ങകളെ ഏറ്റെടുത്തു.
ബ്രേക്കിംഗ് കേരളയുടെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക Whatsapp Group
| Telegram Group | Google News
