ന്യൂഡല്ഹി:വര്ഷങ്ങള് നീണ്ട കാത്തിരിപ്പിനൊടുവില്
40 ദിവസം നീണ്ട വാദപ്രതിവാദങ്ങള്ക്കു ശേഷം രാജ്യം ആകാഷയോടെ കാത്തിരിയ്ക്കുന്ന അയോധ്യാക്കേസില് നാളെ വിധിപ്രഖ്യാപനം. സുപ്രീംകോടതി ചീഫ് ജസ്റ്റിസ് രഞ്ജന് ഗോഗോയ് അധ്യക്ഷനായ ഭരണഘടനാ ബെഞ്ചാണ് വിധിപ്രഖ്യാപനം നടത്തുക. നാളെ രാവിലെ പത്തരയോടെയാണു വിധി.
ചീഫ് ജസ്റ്റിസ് നവംബര് 17-ന് വിരമിക്കുന്നതോടെയാണ് ഈയാഴ്ച വിധി പ്രഖ്യാപിക്കാന് തീരുമാനിച്ചത്. വിധി പ്രഖ്യാപിക്കുന്നതിനു മുന്നോടിയായി ചീഫ് ജസ്റ്റിസ് ഉത്തര്പ്രദേശ് ചീഫ് സെക്രട്ടറിയുമായും ഡി.ജി.പിയുമായും കൂടിക്കാഴ്ച നടത്തിയിരുന്നു. വിധിയുടെ പശ്ചാത്തലത്തില് ക്രമസമാധാന നില പരിശോധിക്കുന്നതിന്റെ ഭാഗമായായിരുന്നു കൂടിക്കാഴ്ച.
വിധിയുടെ പശ്ചാത്തലത്തില് വന് സുരക്ഷാ ക്രമീകരണങ്ങളാണ് രാജ്യത്ത് നടത്തുന്നത്. ഇതിന്റെ ഭാഗമായി് ഹെലികോപ്റ്ററുകള് വിന്യസിക്കാനും 20 താല്ക്കാലിക ജയിലുകള് സ്ഥാപിക്കാനും 78 ഇടങ്ങളിലായി സേനയെ വിന്യസിക്കാനും തീരുമാനിച്ചിട്ടുണ്ട്.ഉത്തര്പ്രദേശിലെ മുഴുവന് ജില്ലകളിലേയും സ്ഥിതിഗതികള് മുഖ്യമന്ത്രി യോഗി ആദിത്യനാഥ് അവലോകനം ചെയ്തു. പ്രശ്നങ്ങള് ഉണ്ടാവാതിരിക്കാനുള്ള നിര്ദേശങ്ങള് നല്കിയിട്ടുണ്ടെന്നും ഔദ്യോഗിക വൃത്തങ്ങള് അറിയിച്ചു.
ക്രമസമാധാന നില തകര്ക്കാന് ശ്രമിക്കുന്നവര്ക്കെതിരെ കര്ശന നടപടിയെടുക്കണമെന്നും ആദിത്യനാഥ് മുന്നറിയിപ്പ് നല്കി.അയോധ്യയില് ഡിസംബര് 10 വരെ നിരോധനാജ്ഞ തുടരുമെന്നു നേരത്തേ വ്യക്തമാക്കിയിരുന്നു.