തിരുവനന്തപുരം: ആറ്റിങ്ങൽ ടിബി ജംഗ്ഷനിൽ കാറും ടാങ്കർ ലോറിയും കൂട്ടി ഇടിച്ച് മൂന്ന് പേർ മരിച്ചു. 5 പേർക്ക് ഗുരുതര പരിക്ക്.ഞായറാഴ്ച രാത്രി 11 മണിയോടെയാണ് അപകടം നടന്നത്.
കൊല്ലം ഭാഗത്ത്‌ നിന്ന് തിരുവനന്തപുരം ഭാഗത്തേക്ക്‌ വരുകയായിരുന്ന പാൽ ടാങ്കർ ലോറിയും എതിർദിശയിൽ വന്ന കല്ലുവാതുക്കൽ സ്വദേശികൾ സഞ്ചരിച്ച ഫോർച്യൂണർ കാറുമാണ് കൂട്ടിയിടിച്ചത്. കാറിൽ 8 ഓളം പേർ ഉണ്ടായിരുന്നു.
കല്ലുവാതുക്കൽ സ്വദേശികളായ അസീം (32) മനീഷ്, പ്രിൻസ് എന്നിവരാണ് മരിച്ചത്. രണ്ടു പേരുടെ മൃതദേഹം തിരുവനന്തപുരം മെഡിയ്ക്കൽ കോളേജിലും ഒരാളുടേത് ആറ്റിങ്ങൽ വലിയകുന്ന് അശുപത്രിയിലും സൂക്ഷിച്ചിരിക്കുന്നു.5 പേർക്ക് ഗുരുതര പരിക്കുണ്ട്.
വിവാഹം കഴിഞ്ഞ വരനെയും വധുവിനെയും വധുവിന്റെ വീട്ടിൽ കൊണ്ടാക്കിയ ശേഷം കല്ലുവാതുക്കലിലേക്ക് മടങ്ങി പോകുമ്പോഴാണ് അപകടം നടന്നത്. കാർ പൂർണമായും തകർന്നു. ലോറിയിൽ ഇടിച്ച കാർ റോഡ് വശത്തെ മൺതിട്ടയിൽ ഇടിച്ചു മറിഞ്ഞു.
ആറ്റിങ്ങൽ ഫയർ ഫോഴ്‌സും ഹൈവേ പോലീസും ആറ്റിങ്ങൽ, കല്ലമ്പലം പോലീസും സ്ഥലത്തെത്തി ഏറെ പണിപ്പെട്ടാണ് വാഹനത്തിൽ കുടുങ്ങിയവരെ പുറത്തെടുത്ത് മെഡിക്കൽ കോളേജ് ആശുപത്രിയിലേക്ക് കൊണ്ടു പോയത്.
മൂന്ന് പേർ മരിച്ചു.റോഡിലെ ഗട്ടർ കണ്ട് ലോറി ഡ്രൈവർ വാഹനം വെട്ടി തിരിച്ചതാണ് അപകടത്തിന് കാരണമായതെന്നാണ് പ്രാഥമിക നിഗമനം.
