![](https://breakingkerala.com/wp-content/uploads/2021/11/n32981451416359599586706f7f240963dd6875b5917b83691168e6c14bac9a32ea092ab9a714b6d6211e32.jpg)
ബെംഗളൂരു:തമിഴ് നടന് വിജയ് സേതുപതിക്കു (Actor Vijay Sethupathi) നേരെ വിമാനത്താവളത്തില് വെച്ച് ആക്രമണശ്രമം.
ബംഗളുരുവിലെ (Bengaluru) കെംപഗൗഡ അന്താരാഷ്ട്ര വിമാനത്താവളത്തില് വെച്ചാണ് സഹയാത്രികന് വിജയ് സേതുപതിയെ ആക്രമിക്കാന് ശ്രമിച്ചത്. കഴിഞ്ഞ ദിവസം രാത്രി പതിനൊന്ന് മണിയോടെയാണ് സംഭവം. അന്തരിച്ച കന്നഡ സൂപ്പര്താരം പുനീത് രാജ്കുമാറിന് (Puneeth rajkumar) ആദരാജ്ഞലി അര്പ്പിക്കാനാണ് വിജയ് സേതുപതി കഴിഞ്ഞ ദിവസം രാത്രിയോടെ ബംഗളുരുവില് എത്തിയത്. വിജയ് സേതുപതിയെ ആക്രമിക്കുന്ന ദൃശ്യങ്ങള് ഇതിനോടകം പുറത്തുവന്നിട്ടുണ്ട്. പിന്നാലെ ഓടിയെത്തിയ ഒരാള് വിജയ് സേതുപതിയെ പിന്നില്നിന്ന് ചവിട്ടി വീഴ്ത്താന് ശ്രമിക്കുന്നത് ദൃശ്യങ്ങളിലുണ്ട്.
ഉടന് തന്നെ ഇയാളെ വിമാനത്താവളത്തിലെ സുരക്ഷാസേനയും വിജയ് സേതുപതിക്ക് ഒപ്പമുണ്ടായിരുന്നവരും പേര്ന്ന് കീഴടക്കി. ഇയാളെ സുരക്ഷാ സേന കസ്റ്റഡിയിലെടുത്തിട്ടുണ്ട്. മദ്യലഹരിയിലാണ് പ്രതി നടനെ ആക്രമിക്കാന് ശ്രമിച്ചതെന്നാണ് വിവരം. ആക്രമണത്തിന് പിന്നില് മറ്റെന്തെങ്കിലും കാരണമുണ്ടോയെന്ന് പരിശോധിച്ചു വരുന്നുണ്ട്.