28.9 C
Kottayam
Tuesday, September 17, 2024

ഇന്ത്യക്കാരായ പുരുഷൻമാരുമായി ഡേറ്റിനില്ല, റിലേഷൻഷിപ് കോച്ചായ യുവതി പറയുന്നു;കാരണങ്ങളിവ

Must read

മുംബൈ:ഓരോ വ്യക്തിയ്ക്കും അവരുടെ പങ്കാളിയെ സംബന്ധിച്ച് ഇഷ്ടങ്ങളും അനിഷ്ടങ്ങളുമുണ്ടാകുന്നത് സ്വാഭാവികം. റിലേഷന്‍ഷിപ് കോച്ചെന്ന് പരിചയപ്പെടുത്തുന്ന ഒരു ഇന്‍സ്റ്റഗ്രാം ഉപയോക്താവിന്റെ അഭിപ്രായപ്രകടമാണ് ഇപ്പോള്‍ ഓണ്‍ലൈന്‍ലോകത്ത് ശ്രദ്ധയാകുന്നത്. ഇന്ത്യക്കാരായ പുരുഷന്‍മാരുമായുള്ള ഡേറ്റില്‍ തനിക്ക് തനിക്ക് താത്പര്യമില്ലെന്നാണ് ചേതന ചക്രവര്‍ത്തി എന്ന ഈ യുവതി പറയുന്നത്. അതിനുള്ള കാരണങ്ങളും ഇന്‍സ്റ്റഗ്രാം വീഡിയോയിലൂടെ അവര്‍ വ്യക്തമാക്കുന്നുണ്ട്. പലതരത്തിലുള്ള പ്രതികരണങ്ങള്‍ക്കാണ് വീഡിയോ വഴിയൊരുക്കിയിരിക്കുന്നത്. യുവതിയുടെ അഭിപ്രായത്തെ അംഗീകരിച്ചും പ്രതികൂലിച്ചും നിരവധി പേര്‍ രംഗത്തെത്തി.

ചേതന ചക്രവര്‍ത്തിയുടെ ഇന്‍സ്റ്റഗ്രാം അക്കൗണ്ടിന്റെ ബയോയില്‍ റിലേഷന്‍ഷിപ് ആന്‍ഡ് ലൈഫ് കോച്ച് എന്നാണ് ചേര്‍ത്തിരിക്കുന്നത്. “കുമ്പസാരത്തിനുള്ള സമയം, ഏകാകികളായ എന്റെ കക്ഷികള്‍ പ്രണയം കണ്ടെത്തുകയും ഡേറ്റിങ്ങിന്റെ ഉന്മത്തമായ ലോകത്ത് സഞ്ചരിക്കുകയും ചെയ്യുന്നതിനുകാരണം ഞാനാണ്, എന്റെ കരുനീക്കങ്ങളാണ്”, ചേതന കുറിച്ചിരിക്കുന്നു. തന്റെ അക്കൗണ്ടിലൂടെ പറഞ്ഞിരിക്കുന്ന കാര്യങ്ങളെല്ലാം തന്നെ തന്റെ വ്യക്തിപരമായ അഭിപ്രായങ്ങളാണെന്നും തന്റെ കുടുംബത്തിനോ സുഹൃത്തുക്കള്‍ക്കോ കക്ഷികള്‍ക്കോ യാതൊരു ഉത്തരവാദിത്വവും ഉണ്ടായിരിക്കുകയില്ലെന്നും അവര്‍ പറയുന്നു.

ഇന്ത്യക്കാരായ പുരുഷന്‍മാരെ ഡേറ്റ് ചെയ്യാന്‍ താനൊരുതരത്തിലും ഉദ്ദേശിക്കുന്നില്ലെന്നും അതിനുള്ള മൂന്ന് കാരണങ്ങളും ചേതന വിശദീകരിക്കുന്നു. ഒന്നാമത്തെ കാരണമിതാണ്. ദുര്‍ഘടമായ സംവാദങ്ങള്‍ കൈകാര്യം ചെയ്യാന്‍ അവര്‍ പഠിച്ചിട്ടില്ല. ഒരു പോയന്റ് വാദിക്കാന്‍ സാധിക്കാതെ വരുമ്പോള്‍ അവര്‍ നിശബ്ദരാകും, തുടര്‍ന്ന സ്ത്രീകളെ തലക്കനമുള്ളവരെന്നും വഴക്കാളികളെന്നും മുദ്ര കുത്തും. അവര്‍ ഈഗോയിസ്റ്റിക്കാവും.

രണ്ടാമത്തെ കാരണം, റൊമാന്‍സ് എന്താണെന്ന് അവര്‍ക്കറിയില്ല. മാസത്തിലൊരുതവണ പങ്കാളിയെ പുറത്തുകൂട്ടിപ്പോയി ഡിന്നര്‍ കഴിക്കുന്നതാണ് റൊമാന്‍സ് എന്നാണ് അവരുടെ ധാരണ. ഓരോ ദിവസവും സ്‌നേഹവും പരിഗണനയും പ്രകടമാക്കുന്ന ചെറിയചെറിയ സംഗതികളാണ് സ്ത്രീകള്‍ക്കാവശ്യമെന്ന് അവര്‍ മനസ്സിലാക്കുകയേയില്ല. വലിയ സമ്മാനങ്ങള്‍ വാങ്ങി നല്‍കുന്നതിലല്ല കാര്യം.

മൂന്നാമത്തേത്, അവര്‍ക്ക് വീടിനെ എത്തരത്തിലാണ് പരിപാലിക്കേണ്ടതെന്നറിയില്ല. വീട്ടിലെ കാര്യങ്ങള്‍ തുല്യമായി പങ്കുവെക്കുക എന്നതല്ല കാര്യം. മറിച്ച് പങ്കാളിയോട് അനുകമ്പ തോന്നി ചെയ്യേണ്ടതല്ല ഇതൊന്നും. സ്വന്തം വീടാണ് അപ്പോള്‍ ആ വീട്ടിലെ കാര്യങ്ങള്‍ താന്‍ ചെയ്യേണ്ടതാണ് എന്ന ബോധമുണ്ടാകുകയാണ് വേണ്ടത്, ചേതന പറയുന്നു.

ബ്രേക്കിംഗ് കേരളയുടെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക Whatsapp Group | Telegram Group | Google News

More articles

ഒരുമൃതദേഹം സംസ്‌കരിക്കാൻ 75,000, വസ്ത്രത്തിന് 11 കോടി; വയനാട്ടിൽ കോടികൾ ചെലവിട്ടെന്ന് സർക്കാർ കണക്ക്

കോഴിക്കോട് : വയനാട് ദുരന്തത്തിലെ പ്രവർത്തനങ്ങളിൽ ഭീമൻ ചെലവ് കണക്കുമായി സർക്കാർ.  ദുരിതബാധിതർക്ക് നൽകിയതിനെക്കാൾ തുക ചെലവഴിച്ചത് വൊളണ്ടിയർമാർക്കാണെന്നാണ് പുറത്ത് വന്ന കണക്കുകൾ സൂചിപ്പിക്കുന്നത്. ഒരു മൃതദേഹം സംസ്കരിക്കുന്നതിന് 75000 രൂപ ചിലവായെന്നാണ്...

ISL 2024: പഞ്ചാബിന്റെ ഓണത്തല്ലിൽ ബ്ലാസ്റ്റേഴ്‌സിന് തോൽവിത്തുടക്കം; വിധിയെഴുതിയത് അവസാന നിമിഷങ്ങൾ

കൊച്ചി:ഐഎസ്എല്‍ 2024-25 സീസണിലെ ആദ്യ മത്സരത്തില്‍ കേരള ബ്ലാസ്റ്റേഴ്‌സിന് പഞ്ചാബ് എഫ്‌സിയോട് തോല്‍വി. ഒന്നിനെതിരെ രണ്ട് ഗോളുകള്‍ക്കായിരുന്നു പരാജയം. 85-ാം മിനുറ്റില്‍ ലൂക്ക മജ്‌സെന്നാണ് പഞ്ചാബിനായി ആദ്യ ഗോള്‍ നേടിയത്. എന്നാല്‍ അധികസമയത്ത്...

വീണ്ടും നിപ: മലപ്പുറത്ത് മരിച്ച യുവാവിന് നിപ ബാധിച്ചിരുന്നതായി സ്ഥിരീകരിച്ചു

വണ്ടൂര്‍: തിങ്കളാഴ്ച വണ്ടൂരിനടുത്ത് നടുവത്ത് മരിച്ച യുവാവിന് നിപ ബാധിച്ചതായി സ്ഥിരീകരണം. പുണെ വൈറോളജി ലാബിലെ ഫലമാണ് പോസിറ്റീവായത്. കോഴിക്കോട് വൈറോളജി ലാബില്‍ നടത്തിയ പ്രാഥമിക പരിശോധനാഫലം കഴിഞ്ഞ ദിവസം പോസിറ്റീവായിരുന്നു.വിദ്യാര്‍ഥിയാണ് മരിച്ചത്....

ഡൽഹി മുഖ്യമന്ത്രിസ്ഥാനം രാജിവെക്കും; പ്രഖ്യാപനവുമായി അരവിന്ദ് കെജ്‌രിവാൾ

ഡല്‍ഹി : ജയിൽ മോചനത്തിന് ശേഷം രാജി പ്രഖ്യാപിച്ച് ഡല്‍ഹി മുഖ്യമന്ത്രി കെജരിവാൾ. ദിവസത്തിനുള്ളിൽ മുഖ്യമന്ത്രി സ്ഥാനം രാജിവെക്കുമെന്ന് കെജ്രിവാൾ പറഞ്ഞു. വോട്ടർമാർ തീരുമാനിക്കാതെ ഇനി മുഖ്യമന്ത്രി സ്ഥാനത്ത് ഇരിക്കില്ലെന്നും ഡല്‍ഹിയിൽ പാർട്ടി...

കേരളത്തില്‍ വീണ്ടും നിപ? പ്രാഥമിക പരിശോധനാ ഫലം പോസിറ്റീവ്

മലപ്പുറം: മലപ്പുറത്ത് നിപ മരണം സംഭവിച്ചതായി സംശയം. മലപ്പുറം വണ്ടൂർ നടുവത്ത് യുവാവ് മരിച്ചത് നിപ ബാധിച്ചെന്ന സംശയമാണ് ഉയർന്നിരിക്കുന്നത്. ബെംഗുളുരുവിൽ പഠിക്കുന്ന വിദ്യാർഥി കഴിഞ്ഞ തിങ്കളാഴ്ചയാണ് പെരിന്തൽമണ്ണയിലെ സ്വകാര്യാശുപത്രിയിൽ വച്ച് മരിച്ചത്....

Popular this week