‘വോട്ട് നല്‍കാത്തവര്‍ക്കും നന്ദി, ഇനിയും തൃശൂരുകാര്‍ക്കൊപ്പം താനുണ്ടാകും’; സുരേഷ് ഗോപി

തൃശൂര്‍: നിയമസഭാ തെരഞ്ഞെടുപ്പ് പരാജയത്തില്‍ പ്രതികരിച്ച് തൃശൂരിലെ ബിജെപി സ്ഥാനാര്‍ത്ഥി സുരേഷ് ഗോപി. തെരഞ്ഞെടുപ്പില്‍ പരാജയപ്പെട്ടെങ്കിലും ഇനിയും തൃശൂരുകാര്‍ക്കൊപ്പം താന്‍ പ്രവര്‍ത്തിക്കുമെന്ന് അദ്ദേഹം ഉറപ്പുനല്‍കി. ഫേസ്ബുക്ക് പോസ്റ്റിലൂടെയാണ് സുരേഷ് ഗോപിയുടെ പ്രതികരണം

പോസ്റ്റിന്റെ പൂര്‍ണരൂപം:

‘തൃശൂരിന് എന്റെ നന്ദി. എനിക്ക് വോട്ട് നല്‍കിയ തൃശൂരിലെ പ്രബുദ്ധരായ വോട്ടര്‍മാര്‍ക്ക് നന്ദി.. നല്‍കാത്തവര്‍ക്കും നന്ദി..

ഏതൊരു മത്സരവും ഒരു പാഠമാണ്. ജയമോ പരാജയമോ നോക്കാതെ ഇനിയും തൃശൂരുകാര്‍ക്ക് വേണ്ടി പ്രവര്‍ത്തിക്കാനും അവരുടെ ആവശ്യങ്ങള്‍ നിറവേറ്റാനും ഞാന്‍ മുന്നില്‍ തന്നെയുണ്ടാകും എന്നൊരു ഉറപ്പ് നല്‍കുന്നു..
എല്ലാവരോടും സ്നേഹം മാത്രം.’