സിദ്ധാര്ത്ഥ് ശിവയുടെ സംവിധാനത്തില് പാര്വതി കേന്ദ്ര കഥാപാത്രമാകുന്ന ചിത്രത്തിന് സെന്സര് ബോര്ഡ്. പ്രദര്ശനാനുമതി നിഷേധിച്ചു. വര്ത്തമാനം എന്ന ചിത്രത്തിനാണ് പ്രദര്ശനാനുമതി നിഷേധിച്ചത്.
ചിത്രം ദേശവിരുദ്ധമാണെന്നും മതസൗഹാര്ദ്ദത്തെ തകര്ക്കുന്നതാണെന്നും ചൂണ്ടിക്കാട്ടിയാണ് ചിത്രത്തിന് അനുമതി നിഷേധിച്ചിരിക്കുന്നതെന്നാണ് പുറത്തുവരുന്ന റിപ്പോര്ട്ടുകള്. ജെ.എന്.യു, കശ്മീര് വിഷയങ്ങള് പ്രതിപാദിക്കുന്നതും പ്രദര്ശനം തടയാന് കാരണമായെന്ന് റിപ്പോര്ട്ടുകളില് പറയുന്നു.
കൂടുതല് പരിശോധനക്കായി ചിത്രം റിവൈസിംഗ് കമ്മിറ്റിക്ക് അയച്ചിരിക്കുകയാണെന്നാണ് സെന്സര് ബോര്ഡ് അറിയിച്ചിട്ടുള്ളത്. സെന്സര് ബോര്ഡ് ചെയര്മാന് തീരുമാനമെടുക്കും വരെ ചിത്രം പ്രദര്ശിപ്പിക്കാനാവില്ല.
അതേസമയം ചിത്രം റിവൈസിംഗ് കമ്മിറ്റിക്ക് അയച്ചതായുള്ള അറിയിപ്പ് ലഭിച്ചിട്ടില്ലെന്ന് നിര്മ്മാതാക്കളില് ഒരാള് അറിയിച്ചു.പാര്വതി തിരുവോത്തും റോഷന് മാത്യുവുമാണ് ചിത്രത്തില് പ്രധാന കഥാപാത്രങ്ങളെ അവതരിപ്പിക്കുന്നത്.