കൊച്ചി: കൊച്ചിയില്‍ വള്ളം മറിഞ്ഞ് യുവാവ് മുങ്ങി മരിച്ചു. പോഞ്ഞിക്കര സ്വദേശി ഷിഗിലാണ് (25) മരിച്ചത്. പോഞ്ഞിക്കര നോര്‍ത്ത് ജെട്ടിയ്ക്ക് സമീപമായിരുന്നു അപകടം. കേബിള്‍ ടിവി നടത്തിപ്പുകാരനായ ഷിഗിലും ജീവനക്കാരനായ വിഷ്ണുവുമാണ് വള്ളത്തിലുണ്ടായിരുന്നത്.
വിഷ്ണുവിന്റെ താന്തോണിതുരുത്തിലുള്ള വീട്ടില്‍ പോയി മടങ്ങുകയായിരുന്നു ഷിഗില്‍. വള്ളം മറിഞ്ഞ് ഇരുവരും തോണിയില്‍ പിടിച്ചു കിടന്നെങ്കിലും ഷിഗില്‍ മുങ്ങി പോവുകയായിരുന്നു.
നീന്തി കരയ്ക്ക് കയറിയ വിഷ്ണുവാണ് അപകട വിവരം നാട്ടുകാരെ അറിയിച്ചത്. തുടര്‍ന്ന് ഫയര്‍ഫോഴ്‌സ് നാട്ടുകാരും തെരച്ചില്‍ നടത്തി മൃതദേഹം കണ്ടെത്തി.
ബ്രേക്കിംഗ് കേരളയുടെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക Whatsapp Group
| Telegram Group | Google News
