പാലക്കാട്: ബിജെപി നേതാക്കൾക്കെതിരെ പരസ്യപരാമർശവുമായി സംവിധായകന് മേജര് രവി. സംസ്ഥാനത്തെ ബിജെപി നേതാക്കളില് 90 ശതമാനവും വിശ്വസിക്കാന് കൊള്ളാത്തവരാണെന്നും തനിക്കെന്ത് കിട്ടും എന്ന ചിന്തയാണ് എല്ലാ നേതാക്കള്ക്കും ഉള്ളതെന്നും അദ്ദേഹം ട്വന്റി ഫോര് ന്യൂസിനോട് പറഞ്ഞു. മസില് പിടിച്ച് നടക്കാന് മാത്രമേ ഇവര്ക്ക് കഴിയുകയുള്ളൂ. രാഷ്ട്രീയം ജീവിത മാര്ഗം ആക്കിയിരിക്കുന്നവരാണ് ബിജെപി നേതാക്കളെന്നും മേജര് രവി പറഞ്ഞു.
എന്നാൽ താഴെ തട്ടിലുള്ള ജനങ്ങളെ ഇവര് തിരിഞ്ഞുനോക്കാറില്ല. ഗ്രൂപ്പ് പറഞ്ഞ് പാര്ട്ടിയെ തകര്ക്കാനാണ് ഇവര് ശ്രമിക്കുന്നതെന്നും മേജര് രവി പറഞ്ഞു. സംസ്ഥാനത്തെ ബിജെപി നേതാക്കള് പറഞ്ഞാല് താന് മത്സരിക്കില്ല. ഇത്തവണ ഒരിടത്ത് പോലും ബിജെപി നേതാക്കള്ക്ക് വേണ്ടി പ്രസംഗിക്കാന് പോകില്ലെന്നും മേജര് രവി പറഞ്ഞു.
ബ്രേക്കിംഗ് കേരളയുടെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക Whatsapp Group
| Telegram Group | Google News