ഡല്‍ഹി: പൂനെ ഇസ്ലാമിക് സ്റ്റേറ്റ് മൊഡ്യൂള്‍ കേസില്‍ ആറാം പ്രതി ഷാമില്‍ സാക്വിബ് നാച്ചന്‍ അറസ്റ്റില്‍. നിയുക്ത വിദേശ തീവ്രവാദ സംഘടനയുടെ പ്രവര്‍ത്തനങ്ങള്‍ പ്രോത്സാഹിപ്പിക്കുന്നതില്‍ സജീവമായി പങ്കെടുത്തതിനാണ് നാച്ചനെ അറസ്റ്റ് ചെയ്തത്.
മഹാരാഷ്ട്രയിലെ താനെയില്‍ താമസിക്കുന്ന പ്രതിയായ ഷാമില്‍ സാക്വിബ് നാച്ചന്‍ തീവ്രവാദ പ്രവര്‍ത്തനങ്ങള്‍ക്കായി എഇഡി നിര്‍മാണം, പരിശീലനം, പരീക്ഷണം എന്നിവയില്‍ പങ്കാളിയാണ്.
2002ല്‍ മുംബൈ സെന്‍ട്രല്‍, വിലെ പാര്‍ലെ, മുളുണ്ട് ട്രെയിനുകളില്‍ മുംബൈയില്‍ നടന്ന ബോംബെ സ്ഫോടനവുമായി ബന്ധപ്പെട്ട് ഷാമിലിന്റെ പിതാവ് സാക്വിബ് നാച്ചന്‍ മൂന്ന് കേസുകളില്‍ ശിക്ഷിക്കപ്പെട്ടിരുന്നു.
സുല്‍ഫിക്കര്‍ അലി ബറോദാവാല, മുഹമ്മദ് ഇമ്രാന്‍ ഖാന്‍, മുഹമ്മദ് യൂനുസ് സാക്കി, സിമാബ് നസിറുദ്ദീന്‍ കാസി, അബ്ദുള്‍ ഖാദിര്‍ പത്താന്‍ തുടങ്ങിയ അഞ്ച് പ്രതികളുമായി സഹകരിച്ചാണ് ഷാമില്‍ പ്രവര്‍ത്തിച്ചിരുന്നത്. പ്രതികളില്‍ രണ്ടുപേരായ ഇമ്രാന്‍ ഖാനും മുഹമ്മദ് യൂനുസ് സാക്കിയും ‘സൂഫ ഭീകരസംഘ’ത്തിലെ അംഗങ്ങളും ഒളിവിലായിരുന്നു.
