കൊച്ചി:നിരവധി ആരാധകരുള്ള സംഗീത സംവിധായകനാണ് എആര് റഹ്മാന്. അദ്ദേഹത്തിന്റെ സംഗീതം ആസ്വദിക്കാത്തവര് ഉണ്ടാകില്ല. എന്നാല് ഇപ്പോഴിതാ ഇന്ത്യയില് നിന്ന് ഓസ്കറിന് അയക്കുന്നത് തെറ്റായ ചിത്രങ്ങളാണെന്ന് പറയുകയാണ് എആര് റഹ്മാന്. അദ്ദേഹത്തിന്റെ ഈ വാക്കുകള് ഇപ്പോള് സോഷ്യല് മീഡിയയില് വൈറലാണ്.
ഇന്ത്യ പലപ്പോഴും തെറ്റായ ചിത്രങ്ങളാണ് ഓസ്കറിന് അയക്കുന്നത്. ഇത് അവര്ക്ക് നോമിനേഷന് ഉറപ്പാക്കുന്നതില് പരാജയപ്പെടുന്നതിന് കാരണമാകുന്നു. ഈ രംഗത്ത് വിജയിക്കാന് പാശ്ചാത്യ പ്രേക്ഷകരുടെ അഭിരുചികള് മനസ്സിലാക്കേണ്ടതുണ്ടെന്നും അദ്ദേഹം കൂട്ടിച്ചേര്ത്തു.
ചിലപ്പോള്, നമ്മുടെ സിനിമകള് ഓസ്കര് വരെ പോകുന്നത് ഞാന് കാണുന്നു. എന്നാല് അവര്ക്ക് അത് ലഭിക്കില്ല. തെറ്റായ സിനിമകളാണ് ഓസ്കാറിന് അയക്കുന്നത്. ഞാന് ചെയ്യരുത് പോലെയാണ്. നമ്മള് മറ്റൊരാളുടെ രീതിയില് നിന്ന് നോക്കി കാണണം. ഇവിടെ എന്താണ് സംഭവിക്കുന്നതെന്ന് കാണാന് എനിക്ക് പാശ്ചാത്യരുടെ രീതിയില് വീക്ഷിക്കണമെന്ന് അദ്ദേഹം പറഞ്ഞു.
സംഗീതജ്ഞന് എല് സുബ്രഹ്മണ്യനുമായി നടത്തിയ അഭിമുഖത്തിലാണ് റഹ്മാന് ഇക്കാര്യം പറയുന്നത്. കഴിഞ്ഞ ദിവസമാണ് അഭിമുഖം അദ്ദേഹം യൂട്യൂബ് ചാനലില് അപ്ലോഡ് ചെയ്തത്. അതേസമയം, രാജമൗലി ചിത്രം ആര്ആര്ആറിലെ നാട്ടു നാട്ടു എന്ന ഗാനം ഓസ്കാര് നേടിയപ്പോള് അദ്ദേഹം സന്തോഷം പങ്കുവെച്ചിരുന്നു.
നാട്ടു നാട്ടു ഓസ്കാര് നേടണമെന്ന് ഞാന് ആഗ്രഹിക്കുന്നു. അവര് ഗ്രാമി നേടണമെന്നും ഞാന് ആഗ്രഹിച്ചിരുന്നു, കാരണം നമുക്കാര്ക്ക് ലഭിക്കുന്ന ഏത് പുരസ്കാരവും ഇന്ത്യയെ ആഗോള തലത്തില് ഉയര്ത്താന് കഴിയുന്നതാണ്. പുരസ്കാരം നേടിയാല് ഇന്ത്യയില് നിന്നുള്ള മറ്റു പാട്ടുകളും മറ്റിടങ്ങളില് ശ്രദ്ധിക്കപ്പെടും എന്നുമാണ് എആര് റഹ്മാന് പ്രഖ്യാപനത്തിന് മുമ്പ് പറഞ്ഞത്.