റെയില്‍വെ സ്‌റ്റേഷന്‍ ബോംബ് വെച്ച് തകര്‍ക്കുമെന്ന് ഇന്ത്യന്‍ മുജാഹിദ് ഭീഷണി

ലഖ്നൗ: റെയില്‍വെ സ്റ്റേഷന്‍ ബോംബ് വെച്ച് തകര്‍ക്കുമെന്ന് ഇന്ത്യന്‍ മുജാഹിദിന്റെ ഭീഷണി. ഉത്തര്‍പ്രദേശിലെ ബറേയ്ലി റെയില്‍വെ സ്റ്റേഷന്‍ തകര്‍ക്കുമെന്നായിരിന്നു റെയില്‍വെ സ്റ്റേഷന്‍ സൂപ്രണ്ട് സത്യവീര്‍ സിംഗിന് ലഭിച്ച കത്തില്‍ പറഞ്ഞിരിക്കുന്നത്.

ഭീകര സംഘടനയുടെ ഏരിയ കമ്മാന്റര്‍ മുന്നെ ഖാന്റെ പേരിലാണ് കത്ത് വന്നത്. ഇതിന് പിന്നാലെ പോലീസ് ഈ മേഖലയിലെ സുരക്ഷ ശക്തമാക്കി. ഇവിടെ നിന്നും കാന്‍വാറിലേക്കുള്ള പാതയില്‍ രണ്ട് വര്‍ഷം മുന്‍പ് സാമുദായിക കലാപം ഉണ്ടായിരുന്നു. സ്റ്റേഷനിലെത്തുന്ന ഓരോ ആളെയും ശക്തമായി നിരീക്ഷിക്കുന്നുണ്ടെന്ന് പോലീസ് അറിയിച്ചു.