ആലപ്പുഴ: ആലപ്പുഴ രാമങ്കരിയില്‍ വാട്ടര്‍ ടാങ്കിന് മുകളില്‍ കയറി ആത്മഹത്യ ഭീഷണി മുഴക്കി മധ്യവയസ്‌കന്‍ . രാമങ്കരി സ്വദേശി റിബിലിയാണ് ആത്മഹത്യ ഭീഷണിയുമായി ടാങ്കിന് മുകളിൽ കയറിയത്. കയറും പെട്രോളുമായാണ് ഇയാള്‍ വാട്ടര്‍ ടാങ്കിന് മുകളില്‍ കയറിയത്.
പോലീസും അഗ്‌നിശമനസേനയും സ്ഥലത്തെത്തി ഇയാളെ അനുനയിപ്പിച്ച് താഴെയിക്കാന്‍ ശ്രമിക്കുകയാണ്. ഇയാളുടെ ഭാര്യയും സഹോദരിയും സ്ഥലത്തെത്തിയിട്ടുണ്ട്. മകളെ കാണണമെന്നും ഇയാള്‍ പറഞ്ഞു. കുടുംബ പ്രശ്നത്തെ തുടർന്ന് മകൾ മറ്റൊരിടത്താണെന്നും മകളെ കാണാൻ സമ്മതിക്കണണെന്നുമാണ് റിബിലിയുടെ ആവശ്യം. നാട്ടുകാരും പൊലീസും അനുനയ നീക്കങ്ങൾ നടത്തിയെങ്കിലും വിഷയത്തിൽ ഉറപ്പ് വേണമെന്നായിരുന്നു റിബിലിയുടെ നിലപാട്.
റിബിലി അനുനയത്തിന് വഴങ്ങാത്തതുകൊണ്ട് റിബിലിയുടെ ശ്രദ്ധയിൽപ്പെടാതെ വാട്ടർ ടാങ്കിന്റെ മറ്റൊരു വശത്തുകൂടി ഫയർഫോഴ്സ് എത്തി ഇയാളെ താഴെയിറക്കാനാണ് ശ്രമിച്ചു.പരസ്പര വിരുദ്ധമായാണ് ഇയാള്‍ സംസാരിക്കുന്നതെന്ന് പോലീസ് പറഞ്ഞു. കുടുംബവഴക്കിനെ തുടര്‍ന്നു ഇയാള്‍ക്കെതിരെ നേരത്തെ പോലീസ് കേസെടുത്തിരുന്നു. തന്നെ കുടുക്കിയതാണെന്നും അതെല്ലാം ഒത്തു തീര്‍പ്പാക്കിയതാണെന്നും ഇയാള്‍ പറയുന്നുണ്ടെന്നും പോലീസ് കൂട്ടിച്ചേര്‍ത്തു. മകളെത്തി സംസാരിച്ചതിനു ശേഷം ഇയാൾ പിന്നിട് താഴെയിറങ്ങുകയായിരുന്നു
https://youtu.be/-tsKruORHF0
