കോഴിക്കോട്: താമരശ്ശേരി-വയനാട് ചുരത്തിലുണ്ടായ വാഹനാപകടത്തില്‍ യുവതി മരിച്ചു. കൊടുവള്ളി പാലകുറ്റി സ്വദേശി ഹനീഫയുടെ ഭാര്യ സക്കീന ബാനു(25) ആണ് മരിച്ചത്. ഭര്‍ത്താവ് ഹനീഫയ്ക്കും രണ്ട് മക്കള്‍ക്കും പരിക്കേറ്റു.
ഒന്നാം വളവിന് സമീപം ഞായറാഴ്ച വൈകിട്ട് നാലുമണിയോടെയായിരുന്നു അപകടം. മരം കയറ്റി ചുരം ഇറങ്ങുകയായിരുന്ന ദോസ്ത് പിക്കപ്പും ചുരം കയറുകയായിരുന്ന ബൈക്കുമാണ് അപകടത്തില്‍പ്പെട്ടത്.
ഹനീഫ ഓടിച്ചിരുന്ന ബൈക്കില്‍ സക്കീനയെ കൂടാതെ രണ്ട് കുട്ടികളും ഉണ്ടായിരുന്നു. അപകടത്തില്‍പ്പെട്ടയുടന്‍ പരിക്കേറ്റ ബൈക്ക് യാത്രികരായ നാലു പേരെയും കോഴിക്കോട് മെഡിക്കല്‍ കോളേജ് ആശുപത്രിയില്‍ എത്തിച്ചെങ്കിലും സക്കീന ബാനുവിന്റെ ജീവന്‍ രക്ഷിക്കാനായില്ല. പരിക്കേറ്റ് ചികിത്സയിലുള്ള കുട്ടികളില്‍ ഒരാളുടെ നില ഗുരുതരമാണ്‌
ബ്രേക്കിംഗ് കേരളയുടെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക Whatsapp Group
| Telegram Group | Google News
