23.4 C
Kottayam
Sunday, September 8, 2024

മോഷ്ടിച്ച ബൈക്കുമായി കള്ളൻ സ്റ്റേഷനിലെത്തി; നമ്പർപ്ലേറ്റിൽ പോലീസിന് സംശയം, കുടുങ്ങി

Must read

കൊല്ലം: സാമ്പത്തികത്തട്ടിപ്പു കേസിൽ തനിക്കെതിരേ ഉയർന്ന ആരോപണത്തിന്റെ ‘നിജസ്ഥിതി’ ബോധ്യപ്പെടുത്താൻ സ്റ്റേഷനിലെത്തിയ ‘മാന്യൻ’ മോഷ്ടാവാണെന്നു തിരിച്ചറിഞ്ഞ് പോലീസ്. മുങ്ങിനടന്ന മോഷ്ടാവിനെ കുടുക്കിയത് സഞ്ചരിച്ച ബൈക്കിന്റെ അവ്യക്ത നമ്പർ പ്ലേറ്റും.ചവറ പോലീസ് സ്റ്റേഷനിലാണ് ‘ട്വിസ്റ്റുകൾ’ നിറഞ്ഞ ഈ സംഭവപരമ്പര അരങ്ങേറിയത്. തവണവ്യവസ്ഥയിൽ സാധനങ്ങൾ വിൽക്കാൻ ചെറുകിട കച്ചവടക്കാർക്കു നൽകുന്ന മൻസൂർ എന്നയാൾ നൽകിയ പരാതിയിലാണ്‌ സംഭവങ്ങളുടെ തുടക്കം.

തന്റെ പക്കൽനിന്നു വാങ്ങിയ സാധനങ്ങളുടെ തുക നൽകാതെ മയ്യനാട് ധവളക്കുഴിയിൽ ഷഹീർ മൻസിലിൽ സുധീർ (42) വഞ്ചിച്ചെന്നു മൻസൂർ പരാതിപ്പെട്ടു. വീടുകളിൽനിന്നു കൈപ്പറ്റിയ പണം സുധീർ തനിക്കു നൽകുന്നില്ലെന്നാണ് മൻസൂർ ആരോപിച്ചത്.

അന്വേഷണത്തിന്റെ ഭാഗമായി സുധീറിനെ ഉദ്യോഗസ്ഥർ പോലീസ് സ്റ്റേഷനിലേക്ക് വിളിപ്പിച്ചു. സുധീർ ഒരു ബൈക്കിൽ സ്റ്റേഷനിലെത്തുകയും ചെയ്തു. സുധീർ എത്തിയ വാഹനത്തിന്റെ നമ്പരിൽ അവ്യക്തത തോന്നിയ പോലീസുകാർ നടത്തിയ പരിശോധനയിലാണ് കാര്യങ്ങൾ വ്യക്തമായത്. എസ്.ഐ. ഉമേഷ് നടത്തിയ പരിശോധനയിൽ, ബൈക്കിന്റെ നമ്പർ വ്യാജമാണെന്നു കണ്ടെത്തി.

പിന്നീട് നടത്തിയ അന്വേഷണത്തിൽ, സുധീർ കൊണ്ടുവന്ന ബൈക്ക് ചവറ ശങ്കരമംഗത്തുനിന്ന്‌ കഴിഞ്ഞ മാർച്ചിൽ മോഷണംപോയതാണെന്നു കണ്ടെത്തുകയായിരുന്നു.ചവറ മുകുന്ദപരം സ്വദേശി പദ്‌മകുമാർ തിരുവന്തപുരത്ത് പോകാനായി ശങ്കരമംഗലത്ത് ബൈക്ക് വെച്ചിട്ടു പോയ സമയത്താണ് മോഷ്ടിക്കപ്പെട്ടത്. ഇതേപ്പറ്റി പദ്‌മകുമാർ ചവറ പോലീസിൽ പരാതിയും നൽകിയിരുന്നു. ഈ ബൈക്ക് മോഷ്ടിച്ച സുധീർ നമ്പർ മാറ്റി ഉപയോഗിക്കുകയായിരുന്നു. സുധീറിനെ കോടതിയിൽ ഹാജരാക്കി റിമാൻഡ് ചെയ്തു.

ബ്രേക്കിംഗ് കേരളയുടെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക Whatsapp Group | Telegram Group | Google News

More articles

ഐഎഎസ് ട്രെയിനിക്കെതിരെ ഒടുവിൽ നടപടി; ഇന്ത്യൻ അഡ്മിനിസ്ട്രേഷൻ സര്‍വീസിൽ നിന്ന് പൂജ ഖേ‍‍‍ഡ്കറെ പുറത്താക്കി

ന്യൂഡൽഹി:: സിവില്‍ സര്‍വീസ് പരീക്ഷയുടെ നിയമങ്ങള്‍ ലംഘിച്ച പ്രൊബേഷനിലുള്ള ഐഎസ്എ ഉദ്യോഗസ്ഥ പൂജ ഖേ‍‍‍ഡ്കറിനെതിരെ നടപടിയെടുത്ത് കേന്ദ്രം. ഇന്ത്യൻ അഡ്മിനിസ്ട്രേഷൻ സര്‍വീസിൽ (ഐഎഎസ്) നിന്ന് പൂജ ഖേദ്കറെ കേന്ദ്രം പുറത്താക്കി. പ്രവേശനം നേടിയ...

4 ശതമാനം പലിശയില്‍ 10 ലക്ഷം വരെ വായ്പ; സൗപര്‍ണികയുടെ കെണിയില്‍ വീണവരില്‍ റിട്ട. എസ്.പിയും

മലപ്പുറം: പരപ്പനങ്ങാടിയിൽ കഴിഞ്ഞ ദിവസം സാമ്പത്തികത്തട്ടിപ്പ് കേസിൽ അറസ്റ്റിലായ സൗപർണിക (35) കബളിപ്പിച്ചത് നിരവധി പേരെ. കോഴിക്കോട്, മലപ്പുറം ജില്ലകളിലെ പൊലീസ് സ്റ്റേഷനുകളിൽ പ്രതിക്കെതിരെ നേിരവധി കേസുകളുണ്ട്. 2019 മുതൽ പ്രതി സമാനരീതിയിൽ...

മുകേഷിനെതിരായ നടിയുടെ മൊഴിയിൽ വൈരുധ്യങ്ങൾ; ലൈം​ഗികബന്ധത്തിന് നിർബന്ധിച്ചെന്ന ആരോപണം തള്ളി കോടതി

കൊച്ചി: നടനും എം.എൽ.എയുമായ മുകേഷിനെതിരായ പീഡനക്കേസിൽ പരാതിക്കാരിയുടെ മൊഴിയിലെ വൈരുധ്യങ്ങൾ ചൂണ്ടിക്കാട്ടി കോടതി. ലൈം​ഗിക ബന്ധത്തിന് നിർബന്ധിച്ചെന്ന ആരോപണം നിലനിൽക്കില്ലെന്ന് കോടതി വ്യക്തമാക്കി. 2022-ൽ ഒരുലക്ഷം രൂപ ആവശ്യപ്പെട്ട് മുകേഷിന് പരാതിക്കാരി അയച്ച...

ഹേമ കമ്മിറ്റി റിപ്പോർട്ട്‌: വാദം കേൾക്കാൻ വനിതാ ജഡ്ജി ഉൾപ്പെട്ട പ്രത്യേകബെഞ്ച്

കൊച്ചി: ഹേമ കമ്മിറ്റി റിപ്പോര്‍ട്ടുമായി ബന്ധപ്പെട്ട ഹര്‍ജികള്‍ പരിശോധിക്കാന്‍ ഹൈക്കോടതി പ്രത്യേകബെഞ്ച് രൂപവത്കരിക്കും. വനിതാ ജഡ്ജി ഉള്‍പ്പെട്ട പ്രത്യേക ബെഞ്ചിന് രൂപംനല്‍കാമെന്നാണ് ഹൈക്കോടതി അറിയിച്ചത്. ഹേമ കമ്മിറ്റി റിപ്പോര്‍ട്ട് പുറത്തുവിടുന്നത് ചോദ്യംചെയ്ത് നിര്‍മാതാവ്...

ഓണക്കാലത്ത് സപ്ലൈക്കോയുടെ വിലവർദ്ധന; അരി ഉൾപ്പെടെ മൂന്ന് സബ്സിഡി സാധനങ്ങൾക്ക് വില കൂട്ടി

തിരുവനന്തപുരം: ഓണച്ചന്തകൾ ഇന്ന് തുടങ്ങാനിരിക്കെ മൂന്ന് സബ്സിഡി സാധനങ്ങൾക്ക് സപ്ലൈക്കോ വില കൂട്ടി. അരി, പരിപ്പ്, പഞ്ചസാര എന്നിവയുടെ വിലയാണ് വർധിപ്പിച്ചത്. സർക്കാർ സഹായം ലഭിച്ചിട്ടും സപ്ലൈക്കോയിൽ വിലവർധിപ്പിച്ചിരിക്കുകയാണ്.  7 വർഷത്തിന് ശേഷമുള്ള നാമ...

Popular this week