കോട്ടയം:എൽ ഡി എഫ് തെരഞ്ഞെടുപ്പ് പര്യടനത്തിന് ഇടയിലേക്ക് പി സി ജോർജ് എം എൽ എ യുടെ മകൻ വാഹനം ഇടിച്ചു കയറ്റിയതായി പരാതി.
പൂഞ്ഞാറിലെ ഇടതുപക്ഷ ജനാധിപത്യ മുനണി സ്ഥാനാർഥിയുടെ തിരഞ്ഞെടുപ്പ് പര്യടനത്തിന്റെ ഇടയിൽ പി സി ജോർജ് എം എൽ എ യുടെ മകൻ ഷോൺ ജോർജിന്റെ വാഹനം ഇടിച്ചു കയറ്റി എന്നാണ് പരാതി.
പൂഞ്ഞാർ പഞ്ചായത്തിലേ പര്യടനത്തിന് ഇടയിലേക്കണ് അമിത വേഗതയിൽ വന്ന വാഹനം കയറിയത്.നിർത്താത്തെ പോയ വാഹനത്തിന്റെ നമ്പർ പ്രവർത്തകർ ശ്രദ്ധിച്ചപ്പോഴാണ് ഷോൺ ജോർജിന്റെ വാഹനമാണന്ന് തിരിച്ചറിഞ്ഞത്.
ഇടിയുടെ ആഘാതത്തിൽ തെറിച്ചു വീണ പി കെ തോമസ് പുളിമൂട്ടിൽ, ഷിബു പി റ്റി പൊട്ടൻ പ്ലാക്കൽ എന്നിവരെ ഈരാറ്റുപേട്ട സ്വകാര്യ ആശുപത്രിയിൽ പ്രവേശിപ്പിച്ചു.എന്നാല്‍ തന്‍റെ വാഹനം ആരെയും ഇടിച്ചിട്ടില്ലെന്ന് ഷോൺ ജോർജ്ജ് പറഞ്ഞു.
അതേ സമയം ഇടതുപക്ഷ ജനാധിപത്യ മുന്നണി പ്രവർത്തകനെ വാഹനം ഇടിച്ചു പി സി ജോർജിന്റെ മകൻ കൊലപ്പെടുത്താൻ ശ്രമിച്ചതിൽ പ്രതിഷേധിച്ച് എൽ ഡി എഫ് ഈരാറ്റുപേട്ടയിൽ പ്രതിഷേധ പ്രകടനം നടത്തി
