കോട്ടയം: മുത്തോലി പഞ്ചായത്തിലെ യുഡി ക്ലാര്‍ക്ക് ബിസ്മിയെ കാണാനില്ലെന്ന് പരാതി. പഞ്ചായത്തിലേക്ക് പോകുന്നുവെന്ന് പറഞ്ഞ് ഇന്നലെ രാവിലെ വീട്ടില്‍ നിന്ന് ഇറങ്ങിയതായിരുന്നു ഇവര്‍.
വൈകിട്ട് ഭര്‍ത്താവ് പഞ്ചായത്ത് ഓഫീസില്‍ എത്തി അന്വേഷിച്ചപ്പോഴാണ് ഇവര്‍ ഇവിടെ എത്തിയിട്ടില്ലെന്ന് അറിയുന്നത്.ഇന്നലെ രാവിലെ പത്ത് മണിയോടെയാണ് ബിസ്മി വീട്ടില്‍ നിന്നിറങ്ങിയത്. വൈകിട്ട് മടങ്ങിയെത്തേണ്ട സമയമായിട്ടും കാണാത്തതിനെ തുടര്‍ന്നാണ് ഭര്‍ത്താവ് പഞ്ചായത്ത് ഓഫീസിലെത്തിയത്. അപ്പോഴാണ് ബിസ്മി അന്നേദിവസം ജോലിക്ക് എത്തിയിട്ടില്ലെന്ന് അറിഞ്ഞത്.
തുടര്‍ന്ന് പൊലീസില്‍ പരാതി നല്‍കുകയായിരുന്നു.ഇന്നലെ രാവിലെ 10. 21ന് വീടിന് സമീപത്തെ ബസ് സ്റ്റോപ്പില്‍ നിന്ന് ബിസ്മി ബസില്‍ കയറി പോയെന്നാണ് വിവരം. ഇവരുടെ സിസിടിവി ദൃശ്യങ്ങളും പുറത്തുവന്നിട്ടുണ്ട്. ബിസ്മിക്ക് ചില കുടുംബപ്രശ്നങ്ങള് ഉണ്ടായിരുന്നുവെന്നാണ് പൊലീസ് പറയുന്നത്. സംഭവത്തില്‍ പള്ളിക്കത്തോട് പൊലീസ് അന്വേഷണം ആരംഭിച്ചിട്ടുണ്ട്.
രാവിലെ 10.21-ന് വീടിന് സമീപത്തെ ബസ് സ്റ്റോപ്പില്‍നിന്ന് ഇവര്‍ ബസ് കയറിപ്പോയെന്നാണ് വിവരം. ബിസ്മിയുടേതായി ഒരു സിസിടിവി ദൃശ്യവും പുറത്തുവന്നിട്ടുണ്ട്. ബിസ്മിക്ക് ചില കുടുംബപ്രശ്നങ്ങള് ഉണ്ടെന്നാണ് പോലീസ് പറയുന്നത്.
