കൊല്ലം: സംസ്ഥാന സ്കൂൾ കലോത്സവത്തിന്റെ മൂന്നാം ദിവസവും കണ്ണൂർ ജില്ല കുതിപ്പ് തുടരുന്നു. ഏറ്റവുമൊടുവിൽ ഫലമറിയുമ്പോൾ, 669 പോയിന്റാണ് അവർ നേടിയിട്ടുള്ളത്. 658 പോയിന്റു വീതം നേടി കോഴിക്കോടും പാലക്കാടും വിടാതെ പിന്തുടരുന്നുണ്ട്. 641 പോയിന്റുമായി തൃശ്ശൂരും മോശമല്ലാത്ത പ്രകടനം കാഴ്ചവയ്ക്കുന്നു. തൊട്ടുപിന്നിൽ 633 പോയിന്റുമായി ആതിഥേയരായ കൊല്ലവുമുണ്ട്.
സ്കൂളുകളിൽ പാലക്കാട് ആലത്തൂർ ബി.എസ്.എസ്. ഗുരുകുലം ഹയർ സെക്കൻഡറി സ്കൂൾ 166 പോയിന്റുമായി ഒന്നാമതാണ്. തിരുവനന്തപുരം വഴുതക്കാട് കാർമൽ ഹയർ സെക്കൻഡറി സ്കൂൾ (87) രണ്ടാംസ്ഥാനത്തും പത്തനംതിട്ട കിടങ്ങന്നൂർ എസ്.വി.ജി.വി.എച്ച്.എസ്.എസ്.എസ്. (74) മൂന്നാംസ്ഥാനത്തും നിലയുറപ്പിച്ചിട്ടുണ്ട്.
പോയിന്റ് നില
കണ്ണൂർ 669
പാലക്കാട് 658
കോഴിക്കോട് 658
തൃശ്ശൂർ 641
കൊല്ലം 633
മലപ്പുറം 628
എറണാകുളം 620
തിരുവനന്തപുരം 599
ആലപ്പുഴ 590
കാസർകോട്‌ 582
കോട്ടയം 576
വയനാട് 550
പത്തനംതിട്ട 514
ഇടുക്കി 496
