ചരിത്രംകുറിച്ച് ISRO; കുതിച്ചുയർന്ന് ജി.എസ്.എൽ.വി.-എഫ്. 15, ശ്രീഹരിക്കോട്ടയിൽ നിന്ന് നൂറാം വിക്ഷേപണം

ചെന്നൈ: ശ്രീഹരിക്കോട്ടയിലെ സതീഷ് ധവാൻ സ്‌പേസ് സെൻ്ററിൽ (എസ്‌ഡിഎസ്‌സി) നിന്നുള്ള നൂറാം റോക്കറ്റ് വിക്ഷേപിച്ച് ഐ.എസ്.ആർ.ഒ. ഗതിനിർണയ സംവിധാനങ്ങൾക്കുള്ള എൻ.വി.എസ്.-02 ഉപഗ്രഹം വിക്ഷേപിക്കുന്നതിനുള്ള ജി.എസ്.എൽ.വി.-എഫ്. 15 റോക്കറ്റ് ആണ് ബുധനാഴ്ച രാവിലെ 6.23-ന് കുതിച്ചുയർന്നത്.

ഗതിനിർണയ, ദിശനിർണയ (നാവിഗേഷൻ) ആവശ്യങ്ങൾക്കായി ഇന്ത്യ വികസിപ്പിക്കുന്ന നാവിക് സംവിധാനത്തിനു വേണ്ടിയാണ് 2,250 കിലോഗ്രാം ഭാരമുള്ള ഉപഗ്രഹം വിക്ഷേപിക്കുന്നത്. ഈ ശ്രേണിയിലെ ആദ്യ ഉപഗ്രഹം എൻ.വി.എസ്.-01 വിക്ഷേപിച്ചത് 2023 മേയ് 29-നാണ്.