രാജ്യത്തെ ഏറ്റവും മൂല്യമുള്ള എഡ്-ടെക് കമ്പനി ബൈജൂസിന്റെ സാമ്പത്തിക നിലയില്‍ ഭദ്രമല്ലെന്ന് റിപ്പോർട്ട്. 2020-21 സാമ്പത്തിക വർഷത്തിൽ 4,588 കോടി രൂപയുടെ നഷ്ടമാണ് കമ്പനിക്കുണ്ടായതെന്ന് ധനകാര്യമാധ്യമങ്ങൾ റിപ്പോർട്ടു ചെയ്യുന്നു. പ്രതിദിനം പന്ത്രണ്ടരക്കോടി രൂപയാണ് നഷ്ടം രേഖപ്പെടുത്തിയത്. മലയാളി സംരംഭകൻ ബൈജു രവീന്ദ്രന്റെ സാരഥ്യത്തിലുള്ള വിദ്യാഭ്യാസ സാങ്കേതിക കമ്പനിയാണ് ബൈജൂസ്.
2020-21 വർഷത്തിൽ കമ്പനിയുടെ വരുമാനത്തിലും കുറവുണ്ടായി- 2428 കോടി. 2019-20ൽ ഇത് 2511 കോടി രൂപയായിരുന്നു. മാർച്ച് 31ന് അവസാനിച്ച 2022 സാമ്പത്തിക വർഷത്തിൽ വരുമാനം പതിനായിരം കോടി രൂപയായി എന്ന് ബൈജൂസ് പറയുന്നു. എന്നാൽ ആ വർഷത്തെ ലാഭമോ നഷ്ടമോ കമ്പനി വെളിപ്പെടുത്തിയിട്ടില്ല.
-Byju's India sales are down 60%
— Ashish K. Mishra (@akm1410) September 15, 2022
-Losing 12.5 cr daily; 4500 cr in FY21
-Revenue recognition, internal control issues
-Capitalising expenses to lower losses
A house of cards built on SD cards bad. Not surprised Byju is not sleeping well. By @sahaprd, me. https://t.co/fCW8Kkz3ML
വളരെ കുറിച്ച് ഇന്ത്യൻ സ്റ്റാർട്ടപ്പുകൾ മാത്രമേ ഇത്തരമൊരു സാമ്പത്തിക നഷ്ടം അഭിമുഖീകരിച്ചിട്ടുള്ളൂവെന്ന് ടെക്‌നോളജി, ബിസിനസ് അനാലിസിസ് വെബ്‌സൈറ്റായ ദ മോണിങ് കോൺടക്‌സ്റ്റ് പറയുന്നു. സമാനമായ നഷ്ടം റിപ്പോർട്ടു ചെയ്തത് മൾട്ടി നാഷണൽ ഹോസ്പിറ്റാലിറ്റി ശൃംഖലയായ ഓയോക്കാണ്. 2020-21 സാമ്പത്തിക വർഷത്തിൽ 3943 കോടി രൂപയുടെ നഷ്ടമാണ് ഓയോക്ക് ഉണ്ടായത്.
എജുക്കേഷൻ ടെക്‌നോളി ബിസിനസ് വൻതോതിൽ വികസിച്ച മഹാമാരിക്കാലത്തിന് ശേഷമാണ് ബൈജൂസിന്റെ സാമ്പത്തിക നഷ്ടം റിപ്പോർട്ടു ചെയ്യുന്നത്. എന്നാൽ അക്കൗണ്ടിങ്ങിലെ മാറ്റം വരുമാനത്തിൽ പ്രതിഫലിച്ചിട്ടില്ല എന്നാണ് നഷ്ടത്തെ കുറിച്ച് ബൈജൂസ് പ്രതികരിച്ചത്.
