ചെന്നൈ: കേരളത്തിലെ മണലൂരിൽ നിന്നും മദ്യവുമായി പോവുകയായിരുന്ന വാഹനം മധുരയിലെ വിരാഗനൂരിൽ വച്ച് അപകടത്തിൽപ്പെട്ടു. നിയന്ത്രണം വിട്ട് മറിഞ്ഞ വാഹനത്തിൽ പത്ത് ലക്ഷം രൂപയുടെ മദ്യക്കുപ്പികൾ ഉണ്ടായിരുന്നു.
വാഹനത്തിലുണ്ടായിരുന്ന മദ്യക്കുപ്പികൾ റോ‌ഡിൽ വീണതോടെ ഇവ പെറുക്കാനായി ആളുകൾ ഓടിയെത്തി. ഇത് പ്രദേശത്ത് ചെറിയ സംഘർഷത്തിന് ഇടയാക്കി. അപകടവും പിന്നാലെയുണ്ടായ സംഘർഷവും മൂലം പ്രദേശത്ത് ഗതാഗതക്കുരുക്കുണ്ടായി. ഇതിന് മുൻപും സമാന സംഭവങ്ങൾ നടന്നിട്ടുണ്ട്.
മദ്ധ്യപ്രദേശിൽ ബിയർ കാർട്ടണുകൾ നിറച്ച വാഹനം കാറുമായി കൂട്ടിയിടിച്ചുണ്ടായ അപകടത്തിൽ ആളുകൾ കുപ്പികൾ പെറുക്കാൻ എത്തിയത് സംഘർഷത്തിൽ കലാശിച്ചിരുന്നു. സ്ഥലത്ത് പൊലീസ് എത്തിയാണ് സ്ഥിതിഗതികൾ ശാന്തമാക്കിയത്.
ബ്രേക്കിംഗ് കേരളയുടെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക Whatsapp Group
| Telegram Group | Google News
