K SUDHAKARAN🎤 അധികനികുതി അടയ്ക്കില്ല; വിലയേറിയ തൊഴുത്ത് പണിത ഗോ സംരക്ഷകനാണ് മുഖ്യമന്ത്രി:കെ.സുധാകരന്‍

തിരുവനന്തപുരം: കേരളത്തിൽ വിലയേറിയ തൊഴുത്തു കെട്ടിയ ഗോ സംരക്ഷകനാണ് മുഖ്യമന്ത്രിയെന്ന് കെ.പി.സി.സി അധ്യക്ഷൻ കെ.സുധാകരൻ. ഇനി കൗ ഹഗ് ഡേ കേരളത്തിൽ ആചരിക്കാൻ അദ്ദേഹം പറയുമായിരിക്കുമെന്നും സുധാകരൻ പറഞ്ഞു. ജനങ്ങൾ അധിക നികുതിയടയ്ക്കരുതെന്നും നടപടി വന്നാൽ കോൺഗ്രസ് സംരക്ഷിയ്ക്കുമെന്നും കെ. സുധാകരൻ കൂട്ടിച്ചേർത്തു.

അധിക നികുതി പാർട്ടി പ്രവർത്തകർ അടയ്ക്കില്ലെന്ന് യു.ഡി.എഫ് കാലത്ത് പിണറായി വിജയൻ പറഞ്ഞിരുന്നു. നികുതി പിരിക്കാൻ ത്രാണിയില്ലാത്ത സർക്കാർ സാമ്പത്തിക പ്രതിസന്ധിയുണ്ടാക്കുന്നു. തിരുത്തേണ്ടത് തിരുത്തണം, ജനങ്ങൾക്കു വേണ്ടിയാകണം ഭരണമെന്നും കെ.സുധാകരൻ പറഞ്ഞു.