തിരുവനന്തപുരം: പത്ത് ജില്ലകളില്‍ ഇന്ന് ശക്തമായ മഴയ്ക്ക് സാധ്യത. തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, പാലക്കാട്, കണ്ണൂര്‍, കാസര്‍കോട് ജില്ലകളില്‍ ഒറ്റപ്പെട്ട ഇടങ്ങളില്‍ ഇന്ന് ശക്തമായ മഴയ്ക്കു സാധ്യത. കണ്ണൂര്‍, കാസര്‍കോട് ജില്ലകളില്‍ യെലോ അലര്‍ട്ട് പ്രഖ്യാപിച്ചിട്ടുണ്ട്.
കേരള, ലക്ഷദ്വീപ് തീരങ്ങളില്‍ ഇന്ന് അര്‍ധരാത്രി വരെ ഒരു മീറ്റര്‍ വരെ ഉയരമുള്ള ഉയര്‍ന്ന തിരയ്ക്കും കള്ളക്കടല്‍ പ്രതിഭാസത്തിനും സാധ്യതയുണ്ട്. തിരുവനന്തപുരം ജില്ലയില്‍ കാപ്പില്‍ മുതല്‍ പൂവാര്‍ വരെ സമുദ്രജല പ്രവാഹത്തില്‍ വ്യതിയാനമുണ്ടായേക്കാം.
ശക്തമായ ഒഴുക്കിന് സാധ്യതയുള്ളതിനാല്‍ കടലില്‍ ഇറങ്ങുന്നവര്‍ ജാഗ്രത പുലര്‍ത്തണമെന്നു കേന്ദ്ര കാലാവസ്ഥാ വകുപ്പും ദേശീയ സമുദ്രസ്ഥിതി പഠന ഗവേഷണ കേന്ദ്രവും അറിയിച്ചു. കടല്‍ത്തീരത്തിലേക്കുള്ള യാത്രകളും വിനോദങ്ങളും ഒഴിവാക്കണം.