News
സ്റ്റേഷൻ അടുക്കളയിൽ താൽക്കാലിക ജീവനക്കാരിയെ കടന്നുപിടിച്ചു; എ.എസ്.ഐക്ക് സസ്പെൻഷൻ
തിരുവനന്തപുരം: താല്ക്കാലിക ജീവനക്കാരിയെ കടന്നുപിടിച്ചെന്ന പരാതിയില് പോലീസുകാരന് സസ്പെന്ഷന്. ആറന്മുള സ്റ്റേഷനിലെ എഎസ്ഐ സജീഫ് ഖാനെയാണ് ജില്ലാ പോലീസ് മേധാവി അന്വേഷണ വിധേയമായി സസ്പെന്ഡ് ചെയ്തത്.
സ്റ്റേഷനില് പാര്ട്ട് ടൈം സ്വീപ്പറായ സ്ത്രീയെ ഇയാള് സ്റ്റേഷന് അടുക്കളയില്വെച്ച് കടന്നുപിടിക്കാന് ശ്രമിച്ചുവെന്നാണ് പരാതിയില് പറയുന്നത്. സ്ത്രീത്വത്തെ അപമാനിക്കല്, ജോലി സ്ഥലത്തെ ലൈംഗീകാതിക്രമം തുടങ്ങിയ വകുപ്പുകളാണ് സജീഫ് ഖാനെതിരേ ചുമുത്തിയത്.
ഒരുമാസം മുമ്പും അടുക്കള മുറിയില്വെച്ച് ഇയാള് കടന്നുപിടിക്കാന് ശ്രമിച്ചതായും പരാതിയില് പറയുന്നു. അതേസമയം പരാതിക്കാരിയെ സ്വാധീനിച്ച് പരാതി പിന്വലിക്കാന് ശ്രമം നടത്തിയതായും ആക്ഷേപമുണ്ട്.
ബ്രേക്കിംഗ് കേരളയുടെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക Whatsapp Group
| Telegram Group | Google News