ന്യൂയോര്‍ക്ക്: ഏറ്റവും ജനകീയമായ സോഷ്യല്‍ മീഡിയ പ്ലാറ്റ്ഫോമായ വാട്സ് ആപ്പില്‍ നിരവധി പുതിയ പരിഷ്‌ക്കാരങ്ങള്‍ കൊണ്ടു വരികയാണ് മെറ്റ. ഓരോ പുതിയ ഫീച്ചറുകളും ഉള്‍പ്പെടുത്തുമ്പോള്‍ വ്യത്യസ്തതയും സ്വീകാര്യതയും പുലര്‍ത്താന്‍ എപ്പോഴും വാട്‌സ്ആപ്പ് അധികൃതര്‍ ശ്രദ്ധിക്കാറുണ്ട്. ഉപയോക്താക്കളുടെ ഇഷ്ടത്തിന് അനുസരിച്ച് ചിത്രങ്ങള്‍ മനോഹരമാക്കാന്‍ സാധിക്കും. ബാക്ക്ഗ്രൗണ്ട് ഇഫക്റ്റുകളും ഫില്‍ട്ടറുകളും ചേര്‍ക്കാന്‍ സാധിക്കും. സൗഹൃദ സന്ദേശങ്ങള്‍ കൂടുതല്‍ ക്രിയേറ്റീവ് ആക്കാനായി ചിത്രങ്ങള്‍ തന്നെ സ്റ്റിക്കറുകളാക്കി മാറ്റാനുള്ള ഫീച്ചറും വാട്‌സ്ആപ്പ് പുറത്തിറക്കിയിട്ടുണ്ടായിരുന്നു.
ഇപ്പോള്‍ വരുത്തിയ പുതിയ പരിഷ്‌ക്കാരം അനുസരിച്ച് ചാറ്റ്തീമുകള്‍ കൊണ്ട് വരികയാണ്. നിറപ്പകിട്ടാര്‍ന്ന ചാറ്റ്ബബിളുകളും പുതിയ പശ്ചാത്തലവും ഉപഭോക്താക്കള്‍ക്ക് ഒരുക്കാം. നമ്മള്‍ക്കെല്ലാം സുപരിചിതമായ വാട്സ് ആപ്പിന്റെ പച്ചനിറത്തിന് പകരം നിങ്ങള്‍ക്ക് ഇഷ്ടമുള്ള നിറത്തിലേക്ക് നമുക്ക് മാറ്റാം. വാട്സാആപ്പ് അത്ര ക്രിയാത്മകമല്ല എന്ന് കരുതുന്നവര്‍ക്ക് വാട്സാപ്പ് മുന്‍കൂട്ടി സജ്ജീകരിച്ച ചാറ്റ്തീമുകളില്‍ നിന്ന് പുതിയത് നമുക്ക് കണ്ടെത്തി തെരഞ്ഞെടുക്കാം.
നിറങ്ങള്‍ മിക്സ് ആന്‍ഡ് മാച്ച് ചെയ്യാനും പുതിയ സംവിധാനത്തില്‍ ഉണ്ട്. മറ്റൊരു സവിശേഷത എല്ലാ ചാററുകളിലും ഒരേ തീം തന്നെ ഉപയോഗിക്കാന്‍ കഴിയും എന്നതാണ്. പുതിയ ചാറ്റ് തീമുകള്‍ക്കൊപ്പം, വാട്ട്സ്ആപ്പ് പുതിയ വാള്‍പേപ്പറുകളും ചേര്‍ത്തിട്ടുണ്ട്. ഈ സവിശേഷതകള്‍ ഇപ്പോള്‍ പുറത്തിറങ്ങിത്തുടങ്ങിയെന്നും വരും ആഴ്ചകളില്‍ ആഗോളതലത്തില്‍ ലഭ്യമാകുമെന്നും വാട്ട്സ്ആപ്പ് സ്ഥിരീകരിച്ചു. ബില്ലുകള്‍ നേരിട്ട് അടയ്ക്കുന്നതിനുള്ള സൗകര്യം കൂടി വാട്‌സ്ആപ്പില്‍ ഉള്‍പ്പെടുത്തുമെന്ന് നേരത്തെ റിപ്പോര്‍ട്ടുകളുണ്ടിരുന്നു.
ഈ ഫീച്ചര്‍ യാഥാര്‍ത്ഥ്യമായാല്‍ ഇലക്ട്രിസിറ്റി ബില്ല്, വാട്ടര്‍ ബില്ല്, മൊബൈല്‍ പ്രീപെയ്ഡ് റീചാര്‍ജ്, എല്‍.പി.ജി ഗ്യാസ് ബില്ല്, ലാന്‍ഡ് ലൈന്‍-പോസ്റ്റ് പെയ്ഡ് ബില്ല്, റെന്റ് പേയ്മെന്റ് എന്നിവയെല്ലാം വാട്‌സ്ആപ്പ് വഴി അടയ്ക്കാന്‍ സാധിക്കും. ഒരാളുടെ പ്രൊഫൈലില്‍ മെറ്റയുടെ സോഷ്യല്‍ മീഡിയ പ്ലാറ്റ്‌ഫോമുകള്‍ കൂടി ഉള്‍പ്പെടുത്താന്‍ സാധിച്ചാല്‍ വാട്‌സ്ആപ്പിന് പുതിയ മുഖം തന്നെ കൈവരും. ഉപയോക്താക്കള്‍ക്ക് അവരുടെ വാട്ട്സ്ആപ്പ് സ്റ്റാറ്റസ് ഇന്‍സ്റ്റാഗ്രാമിലും ഫേസ്ബുക്കിലും സ്റ്റോറികളായി പങ്കിടാന്‍ അനുവദിക്കുന്ന ഫീച്ചര്‍ വാട്‌സ്ആപ്പ് പുറത്തിറക്കിയിരുന്നു. അതുപോലെ ഇന്‍സ്റ്റഗ്രാമില്‍ നിന്ന് റീലുകള്‍ നേരിട്ട് വാട്‌സ്ആപ്പ് സ്റ്റാറ്റസ് ആക്കാനുള്ള ഫീച്ചറും മെറ്റ പുറത്തിറക്കിയിരുന്നു.
ഉപയോക്താക്കള്‍ക്ക് അവരുടെ വാട്‌സ്ആപ്പ് അക്കൗണ്ടുകള്‍ സോഷ്യല്‍ മീഡിയ പ്രൊഫൈലുകളുമായി ബന്ധിപ്പിക്കാന്‍ കഴിയുന്ന ഫീച്ചറാണ് മെറ്റ പരീക്ഷിക്കുന്നതെന്നാണ് റിപ്പോര്‍ട്ടില്‍ സൂചിപ്പിക്കുന്നത്. ചിത്രങ്ങള്‍ അയയ്ക്കുന്നതിന് മുമ്പ് ബാക്ക്ഗ്രൗണ്ടില്‍ മാറ്റങ്ങള്‍ കൊണ്ടുവരാന്‍ സാധിക്കുന്നതാണ് ഇതിലൊരു ഉദാഹരണം. ഉപയോക്താക്കളുടെ ഇഷ്ടത്തിന് അനുസരിച്ച് ചിത്രങ്ങള്‍ മനോഹരമാക്കാന്‍ സാധിക്കും.
ബാക്ക്ഗ്രൗണ്ട് ഇഫക്റ്റുകളും ഫില്‍ട്ടറുകളും ചേര്‍ക്കാന്‍ സാധിക്കും എന്നതും പ്രധാനമാണ്. മെസ്സേജിങ് ആപ്പില്‍ മാത്രം ഒതുങ്ങി നില്‍ക്കാതെ ഉപയോക്താക്കള്‍ക്ക് ഉപകാരപ്രദമാകുന്ന ഫീച്ചറുകള്‍ അവതരിപ്പിക്കുന്നതിലൂടെ എന്നും പുതുമ നിലനിര്‍ത്താനും ഉപയോക്താക്കള്‍ക്ക് കൂടുതല്‍ ഈസിയായി കാര്യങ്ങള്‍ നിര്‍വഹിക്കാനും വാട്‌സ്ആപ്പ് സൗകര്യമൊരുക്കുന്നുണ്ട്.
