ചെന്നൈ: അധ്യാപകന് ഓണ്ലൈന് ക്ലാസിനെത്തിയത് തോര്ത്തുമുണ്ടും ഉടുത്തെന്ന് ആരോപണം. പിന്നാലെ പ്രമുഖ സ്വകാര്യ സ്കൂളിലെ അധ്യാപകനെ സസ്പെന്ഡ് ചെയ്തു. സംഭവത്തില് വിദ്യഭ്യാസ വകുപ്പും പോലീസും അന്വേഷണം ആരംഭിച്ചിട്ടുണ്ട്. വിവാദം ഉയര്ന്നതോടെയാണ് കെ.കെ.നഗറിലെ സ്കൂളിലെ കൊമേഴ്സ് അധ്യാപകനായ രാജഗോപാലിനെതിരെ സ്കൂള് നടപടി എടുത്തത്.
പെണ്കുട്ടികളോടു ലൈംഗിക ചുവയോടെ സംസാരിക്കുകയും സന്ദേശങ്ങള് അയക്കുന്നതായും പരാതി ഉയര്ന്നിരുന്നു. ചെന്നൈ നഗരത്തിലെ സമ്പന്നരുടെയും സെലിബ്രിറ്റികളുടെയും മക്കള് പഠിക്കുന്ന സ്കൂളാണിത്. പൂര്വവിദ്യാര്ഥിയായ മോഡല് കൃപാലി, പന്ത്രണ്ടാം ക്ലാസുകാരിയുടെ പരാതി ഞായറാഴ്ച രാത്രി സമൂഹമാധ്യമത്തില് പങ്കുവച്ചതോടെയാണ് വിവാദങ്ങളുടെ തുടക്കം.
തെളിവായി തോര്ത്ത് മാത്രമണിഞ്ഞ് ക്ലാസെടുക്കുന്ന അധ്യാപകന്റെ ചിത്രവും പുറത്തുവിട്ടിരുന്നു. തൊട്ടുപിറകെ നിരവധി വിദ്യാര്ഥിനികള് ഇതേ അധ്യാപകന് ലൈംഗിക ചുവയോടെ പെരുമാറുന്നതായി പരാതിയുന്നയിച്ചു രംഗത്തെത്തി.
ചിലരോട് ശരീരവര്ണന നടത്തിയതിന്റെയും ബീച്ചുകളിലേക്കും വിനോദസഞ്ചാര കേന്ദ്രങ്ങളിലേക്കും യാത്രയ്ക്കു ക്ഷണിച്ചതിന്റെയും സ്ക്രീന്ഷോട്ടുകളും സമൂഹമാധ്യമങ്ങളില് പങ്കുവച്ചു. എതിര്ത്താല് മാര്ക്ക് കുറയ്ക്കുമെന്നായിരുന്നു ഇയാള് ഭീഷണിപ്പെടുത്തിയിരുന്നതെന്നും വിദ്യാര്ഥിനികള് വെളിപ്പെടുത്തി. ഇതോടെയാണ് സംഭവം പുറംലോകം അറിഞ്ഞത്.