ഹൈദരാബാദ്: ഐപിഎല്ലില് സണ്റൈസേഴ്സ് ഹൈദരാബാദിനെതിരെ മുംബൈ ഇന്ത്യന്സിന് 278 റണ്സിന്റെ കൂറ്റന് വിജയലക്ഷ്യം. ഐപിഎല് ചരിത്രത്തിലെ ഏറ്റവും മികച്ച സ്കോറാണിത്. ട്രാവിസ് ഹെഡ് (24 പന്തില് 62), അഭിഷേക് ശര്മ (23 പന്തില് 63), ഹെന്റിച്ച് ക്ാസന് (34 പന്തില് 80), എയ്ഡന് മാര്ക്രം (28 പന്തില് 42) എന്നിവരുടെ ഇന്നിംഗ്സുകളാണ് ഹൈദരാബാദിന് കൂറ്റന് സ്കോര് സമ്മാനിച്ചത്.
മൂന്ന് വിക്കറ്റുകള് മാത്രമാണ് ഹൈദരാബാദിന് നഷ്ടമായത്. മുംബൈ നിരയില് പന്തെറിഞ്ഞവരെല്ലാം അടിമേടിച്ചു. തമ്മില് ഭേദം ജസ്പ്രിത് ബുമ്ര മാത്രം. ഹാര്ദിക് പാണ്ഡ്യ നാല് ഓവറില് 46 റണ്സ് വിട്ടുകൊടുത്തു. ഒരു വിക്കറ്റാണ് വീഴ്ത്തിയത്.
മായങ്ക് അഗര്വാള് (11) – ഹെഡ് സഖ്യം ഭേദപ്പെട്ട തുടക്കമാണ് ഹൈദരബാദിന് നല്കിയത്. എന്നാല് അഞ്ചാം ഓവറില് അഗര്വാളിനെ ഹാര്ദിക്ക് പുറത്താക്കി. പിന്നീട് വന്നവരെല്ലാം മുംബൈ ബൗളര്മാരെ എടുത്തിട്ട് അലക്കി. മൂന്നാം വിക്കറ്റില് അഭിഷേക് – ഹെഡ് സഖ്യം 68 കൂട്ടിചേര്ത്തു. എട്ടാം ഓവറില് ഹെഡ് മടങ്ങി. അപ്പോള് സ്കോര്ബോര്ഡില് 113 റണ്സുണ്ടായിരുന്നു. മൂന്ന് സിക്സും ഒമ്പത് ഫോറും ഉള്പ്പെടുന്നതായിരുന്നു ഹെഡിന്റെ ഇന്നിംഗ്സ്.
മറുവശത്ത് അഭിഷേകും ഹെഡിന്റെ ശൈലി പിന്തുടര്ന്നു. ഏഴ് സിക്സും മൂന്ന് ഫോറും ഉള്പ്പെടുന്നതായിരുന്നു. അഭിഷേകിന്റെ ഇന്നിംഗ്സ്. 11-ാം ഓവറിന്റെ അവസാന പന്തില് അഭിഷേക് പുറത്തായി. പിന്നീട് ക്രീസില് ഒത്തുചേര്ന്ന മാര്ക്രം – ക്ലാസന് സഖ്യം 116 ണ്സ് കൂട്ടിചേര്ത്തു. തുടക്കത്തില് പതുക്കെ ആയിരുന്നെങ്കിലും പിന്നീട് കാര്യങ്ങള് ഹൈദരാബാദിന്റെ ട്രാക്കിലായി. ക്ലാസന് ഏഴ് സിക്സും നാല് ഫോറും നേടി. മാര്ക്രമിന്റെ അക്കൗണ്ടില് ഒരു സിക്സും രണ്ട് ഫോറുമുണ്ടായിരുന്നു.
ഇരു ടീമുകളും ഒരു മാറ്റം വരുത്തിയാണ് മത്സരത്തിനിറങ്ങുന്നത്. മുംബൈ ടീമില് ലൂക്ക് വുഡിന് സ്ഥാനം നഷ്ടമായി. പകരം, ദക്ഷിണാഫ്രിക്കയുടെ അണ്ടര് 19 താരം ക്വെന മഫാക മുംബൈക്ക് വേണ്ടി അരങ്ങേറ്റം കുറിക്കും. 17 വയസ് മാത്രമാണ് താരത്തിന്റെ പ്രായം. ഹൈദരാബാദ് ടി നടരാജന് പകരം ജയ്ദേവ് ഉനദ്ഖട് ടീമിലെത്തി.
സണ്റൈസേഴ്സ് ഹൈദരാബാദ്: ട്രാവിസ് ഹെഡ്, മായങ്ക് അഗര്വാള്, അഭിഷേക് ശര്മ, എയ്ഡന് മാര്ക്രം, ഹെന്റിച്ച് ക്ലാസെന് (വിക്കറ്റ് കീപ്പര്), അബ്ദുള് സമദ്, ഷഹബാസ് അഹമ്മദ്, പാറ്റ് കമ്മിന്സ് (ക്യാപ്റ്റന്), ഭുവനേശ്വര് കുമാര്, മായങ്ക് മാര്ക്കണ്ഡെ, ജയദേവ് ഉനദ്കട്ട്.
മുംബൈ ഇന്ത്യന്സ്: ഇഷാന് കിഷന് (വിക്കറ്റ് കീപ്പര്), രോഹിത് ശര്മ, നമന് ധിര്, തിലക് വര്മ, ഹാര്ദിക് പാണ്ഡ്യ (ക്യാപ്റ്റന്), ടിം ഡേവിഡ്, ജെറാള്ഡ് കോട്സി, ഷംസ് മുലാനി, പിയൂഷ് ചൗള, ജസ്പ്രീത് ബുമ്ര, ക്വേന മഫാക.