ചുരിദാനിറുള്ളില് സാത്താന് കയറി ഷാള് വലിച്ചെറിയുന്നുവെന്ന പുരോഹിതന്റെ വിവാദ പ്രസംഗത്തെ ട്രോളി സോഷ്യല് മീഡിയയില് വൈറലായി സൗമ്യയും ജോഷിന് സൂരജും. അച്ഛന്റെ വിവാദ പ്രസംഗത്തെ വിമര്ശിച്ചുകൊണ്ട് ചെയ്ത വിഡിയോ നിരവധി പേരാണ് ഇതിനോടകം തന്നെ പങ്കുവച്ചത്. ഗായകന് ഹരീഷ് ശിവരാമകൃഷ്ണടക്കം ഫേസ്ബുക്കില് ഈ വീഡിയോ പങ്കുവച്ചു കൊണ്ട് രംഗത്തു വന്നിട്ടുണ്ട്.
മികച്ച പ്രതികരണമാണ് സാമൂഹ്യ മാധ്യമങ്ങളില് ഇവരുടെ വീഡിയോയ്ക്ക് ലഭിയ്ക്കുന്നത്. ‘കാണച്ചാ കാണ്’ എന്ന പുരോഹിതന്റെ വാക്യം തന്നെ കടമെടുത്താണ് പലരും ഈ വീഡിയോ പങ്കുവയ്ക്കുന്നത്. ചുരിദാനിറുള്ളില് സാത്താന് കയറി ഷാള് വലിച്ചെറിയുന്നുവെന്നും അതിന്റെ രണ്ടറ്റവും വെട്ടി മുറിയ്ക്കുന്നുവെന്നും തുടങ്ങി പെണ്കുട്ടികളെ വിമര്ശിച്ചുകൊണ്ടായിരുന്നു അച്ഛന്റെ പ്രസംഗം.
‘നല്ല ഒരു വസ്ത്രമുണ്ട്, ചുരിദാര്, പക്ഷെ ഇപ്പൊ ഒരു പ്രശ്നമുണ്ട് അതിന്റെ ഇടയില് സാത്താന് കയറി ആദ്യം ആ ഷാള് എടുത്തു വലിച്ചെറിഞ്ഞു, പിന്നെ സാത്താന് അതിന്റെ രണ്ടറ്റവും വെട്ടിയിട്ടു’, വിവാദ പ്രസംഗത്തില് അച്ചന് പറയുന്നു.