ന്യൂഡല്ഹി: കൊവിഷീല്ഡിനു പിന്നാലെ കൊവിഡ് വാക്സിനായ കൊവാക്സിനും വിലകുറച്ചു. പ്രമുഖ മരുന്ന് നിര്മ്മാണ കമ്പനിയായ ഭാരത് ബയോടെക്ക്, ഐസിഎംആറുമായി സഹകരിച്ചാണ് കൊവാക്സിന് വികസിപ്പിച്ചത്. വാക്സിന് സംസ്ഥാന സര്ക്കാരുകള്ക്ക് നല്കുന്ന വിലയിലാണ് കുറവു വരുത്തിയത്.
നേരത്തെ 600 രൂപയ്ക്കാണ് കൊവാക്സിന് ഡോസ് സംസ്ഥാനങ്ങള്ക്ക് നല്കാന് തീരുമാനിച്ചിരുന്നത്. ഇത് 200 രൂപ കുറച്ച് 400 രൂപ ആക്കുകയായിരുന്നു. കൊവിഡ് വാക്സിനുകളുടെ വിലയ്ക്കെതിരെ പ്രതിഷേധം ശക്തമായിരുന്നു. 18-45 വയസ്സുകാര്ക്കുള്ള വാക്സിന് നയത്തിനെതിരെ പ്രതിഷേധം ശക്തമാണ്. ഇതിനിടെയാണ് വാക്സിന് വില കുറച്ചത്.
രാജ്യത്തെ സ്വകാര്യ ആശുപത്രികളില് വാക്സിന് നല്കാന് സെറം ഇന്സ്റ്റിറ്റ്യൂട്ട് നിശ്ചയിച്ചത് ലോകത്തിലെ ഏറ്റവും ഉയര്ന്ന വിലയ്ക്കാണെന്ന് റിപ്പോര്ട്ടുകള് പുറത്തുവന്നിരുന്നു. യുഎസ്, യുകെ തുടങ്ങിയ രാജ്യങ്ങളില് നിന്നും ഈടാക്കുന്നതിനേക്കാള് കൂടിയ വിലയ്ക്കാണ് ഇന്ത്യയിലെ സ്വകാര്യ, ആശുപത്രികള്ക്കും സര്ക്കാരുകള്ക്കും നല്കുക. എന്നാല് വിപണിയില് ലഭ്യമായതില് വച്ച് ഏറ്റവും താങ്ങാവുന്ന കൊവിഡ് വാക്സിന് കൊവിഷീല്ഡാണെന്നാണ് സെറം ഇന്സിറ്റിയൂട്ട് നല്കിയ വിശദീകരണം.