അശ്ലീല വീഡിയോകളുടെ നീലക്കുറിഞ്ഞിയും കൊടുവേലിയും, ടെലിഗ്രാം ചാനലുകളില്‍ അംഗങ്ങളായുള്ളത് ആയിരങ്ങള്‍,പിടി മുറുക്കി പോലീസിന്റെ ഓപ്പറേഷന്‍ പി.ഹണ്ട്

തിരുവനന്തപുരം :കുട്ടികളുടെ അശ്ലീലദൃശ്യങ്ങള്‍ പ്രചരിപ്പിയ്ക്കുന്നവരെ കണ്ടെത്തുന്നതിനുള്ള ഓപ്പറേഷന്‍ പി ഹണ്ടില്‍ കണ്ടെത്തിയത് ഞെട്ടിയ്ക്കുന്ന വിവരങ്ങള്‍.കുട്ടികളുടെയും മുതിര്‍ന്നവരുടെയുമടക്കം അശ്ലീല വീഡിയോകള്‍ പങ്കുവെയ്ക്കുന്നതിനായുള്ള നൂറു കണക്കിന് വാട്‌സ ആപ്പ്,ടെലിഗ്രാം ഗ്രൂപ്പുകളാണ് സംസ്ഥാനത്തിനകത്തും പുറത്തുമായി മലയാളികള്‍ അംഗങ്ങളും അഡ്്മിനുകളുമായി പ്രവര്‍ത്തിയ്ക്കുന്നത്.ഇത്തരം നിരവധി ഗ്രൂപ്പുകളെ പോലീസ് ഇതിനകം തിരിച്ചറിഞ്ഞു കഴിഞ്ഞു.

അശ്ലീല വെബ്‌സൈറ്റുകള്‍ക്ക് രാജ്യത്ത് നിരോധനം ഏര്‍പ്പെടുത്തിയിട്ടുണ്ടെങ്കിലും, ഇത്തരം വീഡിയോകള്‍ പങ്കുവെയ്ക്കാനും പ്രചരിപ്പിക്കാനുമുള്ള പ്രധാന മാര്‍ഗ്ഗം ഇത്തരം വാട്‌സാപ്പ് ഗ്രൂപ്പുകളും ടെലിഗ്രാം ചാനലുകളുമാണ്. നീലക്കുറിഞ്ഞി, നീലക്കൊടുവേലി, അധോലോകം, ആലംബം തുടങ്ങിയ പേരുകളിലാണ് ടെലഗ്രാം ചാനലുകള്‍ പ്രവര്‍ത്തിക്കുന്നത്. അശ്ലീല വീഡിയോകള്‍ വ്യാപകമായതോടെ, സൈബര്‍ ഡോമിന് പുറമെ, സിബിഐ, ഇന്റര്‍പോള്‍ തുടങ്ങിയ ഏജന്‍സികളും ഇത്തരം ഗ്രൂപ്പുകളില്‍ നിരീക്ഷണം ശക്തമാക്കിയിട്ടുണ്ട്.

Loading...

മലയാളികള്‍ നിയന്ത്രിക്കുന്ന നീലക്കുറിഞ്ഞി എന്ന അശ്ലീല ഗ്രൂപ്പില്‍ ലക്ഷത്തോളം അംഗങ്ങളാണുള്ളത്. പ്രാദേശികമായി ലഭിക്കുന്ന എല്ലാ പോണ്‍ വിഡിയോകളും ചിത്രങ്ങളും ഇതില്‍ പോസ്റ്റ് ചെയ്യുന്നുണ്ട്. ടെലിഗ്രാം ഗ്രൂപ്പിന്റെ പരിധി രണ്ടു ലക്ഷമാണ്. അംഗത്വം ലഭിക്കാനായി നിരവധി യുവാക്കളാണ് ഇപ്പോഴും നീലക്കുറിഞ്ഞിക്ക് പിന്നാലെയുള്ളത്. നീലക്കുറിഞ്ഞി ഗ്രൂപ്പില്‍ കുട്ടികളുടെ പോണ്‍ വിഡിയോകള്‍ക്കെതിരെ ആരെങ്കിലും റിപ്പോര്‍ട്ട് ചെയ്താല്‍ നിമിഷങ്ങള്‍ക്കം വിഡിയോ നീക്കം ചെയ്ത് അംഗത്തിനെ ബ്ലോക്ക് ചെയ്യും. ഇതിനകം തന്നെ നിരവധി പേര്‍ വിഡിയോ ഡൗണ്‍ലോഡ് ചെയ്തിട്ടുണ്ടാകും.

Loading...

Comments are closed.

%d bloggers like this: