മുംബൈ: കാമുകിയുടെ ഭര്‍ത്താവിനെ കൊലപ്പെടുത്തി അതൊരു അപകടം പോലെയാക്കി മാറ്റിയ സംഭവത്തില്‍ യുവാവ് പിടിയില്‍. നൗഷാദ് ഖാന്‍ എന്നയാളാണ് പിടിയിലായത്. ഇയാളുടെ കൂട്ടാളികളായ മൂന്ന് പേരെയും പോലീസ് അറസ്റ്റ് ചെയ്തിട്ടുണ്ട്. രാം കുമാർ, നൂർ ഖാൻ, മുഹമ്മദ് തഖി എന്നിവരാണ് സഹായികള്‍.
ഇരയായ അഹദുള്ള ഖാൻ സിവിൽ പെയിന്റിംഗ് കരാറുകാരനായിരുന്നു. പ്രതിയിൽ നിന്ന് രണ്ട് ലക്ഷം രൂപ വായ്പയെടുക്കുകയും അത് തിരിച്ചടയ്ക്കുന്നതിൽ പരാജയപ്പെടുകയും ചെയ്തു.
പ്രതിക്ക് ഖാന്റെ ഭാര്യയുമായും ബന്ധമുണ്ടെന്ന് സഹോദരൻ പോലീസിനോട് പറഞ്ഞു.
ജൂണ്‍ 16 ന് സംഘം നൗഷാദ് അഹദുള്ള ഖാനെ തുർബെയിലേക്ക് കൊണ്ടുപോയി. അവിടെ അദ്ദേഹവും കൂട്ടാളികളും ഇരുമ്പുവടികൊണ്ട് അടിച്ചു. ഇത് ഒരു അപകടം പോലെയാകാൻ ഖാന്റെ പുറത്തേക്ക് വാന്‍ ഓടിച്ചു കയറ്റി തലയോട്ടി തകര്‍ത്ത ശേഷം അവര്‍ കടന്നു കളഞ്ഞതായും മുംബൈ പോലീസ് സീനിയർ ഇൻസ്പെക്ടർ കിഷോർ ഗെയ്ക്ക് ടൈംസ് ഓഫ് ഇന്ത്യയോട് പറഞ്ഞു.
