സോഷ്യല് മീഡയയില് കുറച്ച് ദിവസമായി ചര്ച്ചചെയ്തു കൊണ്ടിരിക്കുന്ന വീഡിയോയാണ് മൊബൈല് ശരീരത്തോട് ചേര്ത്ത് പിടിച്ചാല് ശരീരത്തിന്റെ ബാലന്സ് നഷ്ടപ്പെടുമോയെന്നത്. ഇത്തരത്തില് ഒരു വീഡിയോ കുറച്ചു ദിവസമായി ഫേസ് ബുക്കിലും വാട്സ്ആപ്പിലും പ്രചരിക്കുകയാണ്. ശരീരത്തിന്റെ മസിലുകള് വീക്കാകുമെന്നും കൈയ്യിലെ മസിലുകളുടെ ശക്തി നഷ്ടപ്പെടുമെന്നും ഈ വീഡിയോയില് പറയുന്നുണ്ട്. എന്നാല് ഇതിന് പിന്നിലെ സത്യാവസ്ഥ വെളിപ്പെടുത്തുകയാണ് ഡോ. രാജേഷ് കുമാര്. ഫേസ്ബുക്ക് പോസ്റ്റിലൂടെയാണ് അദ്ദേഹം ഇക്കാര്യം വ്യക്തമാക്കിയത്. മൊബൈല് ഫോണിന്റെ റേഡിയേഷന് ശരീരത്തിന്റെ ബാലന്സിനെ ബാധിക്കുമെന്നത് ശുദ്ധതട്ടിപ്പാണെന്നാണ് അദ്ദേഹം പറയുന്നത്.
നമ്മള് കൈകള് ഉയര്ത്തുമ്പോള് ഡെല്റ്റോയിഡ്, തോളെല്ലിന് മുകളിലുള്ള സൂപ്രാസ് സ്പൈനാറ്റിസ് എന്നീ മസിലുകളാണ് പ്രവര്ത്തിക്കുന്നത്. ഇത് വളണ്ടറി മസിലുകളാണ്. മൊബൈല് ഫോണിനേക്കാള് കൂടിയ തോതില് റേഡിയേഷനുള്ള എക്സറേയ്ക്ക് മുന്നില് പോലും നമുക്ക് കൈകളും കാലുകളും നിയന്ത്രിക്കാന് സാധിക്കുമെന്നും ഡോ. രാജേഷ് വ്യക്തമാക്കുന്നു.
ഡോ. രാജേഷ് കുമാറിന്റെ ഫേസ്ബുക്ക് പോസ്റ്റ്
മൊബൈൽ ഫോൺ ശരീരത്തിൽ ചേർത്തു പിടിച്ചാൽ ശരീരത്തിന്റെ ബാലൻസ് നഷ്ടപ്പെടുമോ ?
രണ്ടു ദിവസമായി ഫേസ് ബുക്കിലും വാട്സ്ആപ്പിലും പ്രചരിക്കുന്ന വീഡീയോ ചിത്രമാണ് മൊബൈൽ ഫോൺ ശരീരത്തോട് ചേർത്ത് പിടിച്ചാൽ ശരീരത്തിന്റെ ബാലൻസ് നഷ്ടപ്പെടും എന്നും ശരീരത്തിന്റെ മസിലുകൾ വീക്കാകും എന്നും കൈയ്യിലെ മസിലുകളുടെ ശക്തി നഷ്ടപ്പെടും എന്നും. .. ഒരുപാടുപേർ എനിക്ക് ഈ വീഡിയോ ചിത്രം അയച്ചു തന്നു.. ഞാൻ ഇത് ശരിയാണോ എന്ന് സ്വയം പരിശോധിച്ച് നോക്കുകയും ചെയ്തു.. സത്യാവസ്ഥ ഇവിടെ പ്രസിദ്ധീകരിക്കുന്നു.. വിശദമായി അറിയുക.. ഷെയർ ചെയ്യുക… എല്ലാ സുഹൃത്തുക്കളും ഈ വീഡിയോ ചിത്രത്തിൻറെ സത്യം തിരിച്ചറിയട്ടെ..