ഈസ്റ്റേൺ മുളക് പൊടി കമ്പനിയിൽ വൻ തീപിടുത്തം, കോടികളുടെ നഷ്ടം

തേനി: പ്രമുഖ കറി പൗഡർ നിർമ്മാതാക്കളായ ഈസ്റ്റേൺ അടിമാലി ഗ്രൂപ്പിന്റെ തമിഴ് നാട്ടിലെ കേരള അതിർത്തിയോട് ചേർന്ന് കിടക്കുന്ന കൊച്ചി-ധനുഷ്ക്കോടി ദേശീയപാതയിൽ തേനി ജില്ലയിലെ ബോഡി നാക്കുന്നൂർ ഹൈവേയിൽ സ്ഥിതി ചെയ്യുന്ന ഇന്ത്യയിലെ ഏറ്റവും വലിയ ഗോഡൗണിനാണ് ഇന്ന് രാവിലെ മുതൽ തീപിടിച്ചത്.കമ്പം-തേനി – മധുര തുടങ്ങിയ സ്ഥലങ്ങളിലെ ഫയർഫോഴ്സിന്റെ  ടീമുകൾ തീയണക്കാൻ തീവ്രശ്രമത്തിലാണ്.സമീപ പ്രദേശവാസികളെ പോലീസ് ഒഴിപ്പിച്ചിട്ടുണ്ട്. നെല്ലിമറ്റം, കോതമംഗലം, അടിമാലി പ്രദേശത്തെ നിരവധി പേർ ജോലി ചെയ്ത് വരുന്ന കമ്പനിയാണ്, കൂടുതൽ വിവരങ്ങൾ അറിഞ്ഞ് വരുവാൻ സമയമെടുക്കും. ആളപായം റിപ്പോർട്ട് ചെയ്തിട്ടില്ലെന്നാണ് പ്രാഥമിക വിവരം