ആലപ്പുഴ : ആലപ്പുഴ ജില്ലയിലെ അറവുകാട് ക്ഷേത്രത്തില്‍ തീപിടിത്തം. അറവുകാട് ക്ഷേത്രത്തിലെ തിടപ്പള്ളിയിലാണ് തീ പടര്‍ന്ന് പിടിച്ചത്. വലിയ നാശനഷ്ടങ്ങളില്ലെന്നാണ് പ്രാഥമിക വിവരം. പൂജയ്ക്ക് ശേഷം ക്ഷേത്രനട അടച്ചിരുന്നു. ഇതിനുശേഷമാണ് തീപിടിത്തമുണ്ടായത്.
തിടപ്പളളിയില്‍ സൂക്ഷിച്ചിരുന്ന വിറകിലേയ്ക്ക് തീ പടരുകയായിരുന്നുവെന്നാണ് വിവരം. തിടപ്പള്ളിക്ക് മുകളിലേയ്ക്കും തീ പടര്‍ന്ന് ആളിക്കത്തി. ആലപ്പുഴയില്‍ നിന്ന് ഫയര്‍ഫോഴ്സിന്‍റെ രണ്ട് യൂണിറ്റ് എത്തിയാണ് തീയണച്ചത്. പോലീസ് അന്വേഷണം ആരംഭിച്ചു.
ബ്രേക്കിംഗ് കേരളയുടെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക Whatsapp Group
| Telegram Group | Google News