24.1 C
Kottayam
Monday, September 30, 2024

വാക്‌സിനെടുക്കാത്തതിന്റെ പേരില്‍ 12കാരിക്ക് യാത്ര നിഷേധിച്ച് എയര്‍ ഇന്ത്യ എക്സ്പ്രസ്; 18 മണിക്കൂര്‍ കാത്തിരിപ്പിന് ശേഷം പെണ്‍കുട്ടിയെ തനിയെ റാസ് അല്‍ഖൈമയിലേയ്ക്ക് അയച്ചു

Must read

കരിപ്പൂര്‍: വാക്സിനെടുത്തില്ലെന്ന് ആരോപിച്ച് 12 വയസുകാരിക്ക് യാത്ര നിഷേധിച്ച് എയര്‍ ഇന്ത്യ എക്സ്പ്രസ്. കോഴിക്കോട് നിന്ന് റാസ് അല്‍ ഖൈമയിലേക്ക് പോവുന്നതിനായി വിമാനത്താവളത്തില്‍ മാതാവിനൊപ്പമെത്തിയ പെണ്‍കുട്ടിയ്ക്കാണ് യാത്ര നിഷേധിച്ചത്.

പാറക്കടവ് ചെറ്റക്കണ്ടി കാണ്ണങ്കണ്ടി വീട്ടില്‍ ജമാല്‍ വാണിമേല്‍, കളത്തില്‍ ഷാഹിദ ദമ്പതിമാരുടെ മകള്‍ നസിഹ നസ്നീനിനാണ് അധികൃതരുടെ വാദത്തെ തുടര്‍ന്ന് 18 മണിക്കൂറോളം എയര്‍പോര്‍ട്ടില്‍ കുടുങ്ങിയത്. ഇതേതുടര്‍ന്ന് കുട്ടിയുടെ മാതാവിനും രണ്ട് സഹോദരങ്ങള്‍ക്കും മാത്രം യാത്ര തിരിക്കേണ്ടി വന്നു. മണിക്കൂറുകള്‍ നീണ്ട കാത്തിരിപ്പിനൊടുവില്‍ മറ്റൊരു വിമാനത്തില്‍ അധികൃതര്‍ പെണ്‍കുട്ടിയെ തനിയെ റാസ് അല്‍ ഖൈമയിലേക്ക് പറഞ്ഞയച്ചു.

വെള്ളിയാഴ്ച രാവിലെ ഒമ്പതുമണിക്ക് കോഴിക്കോട്ടുനിന്ന് റാസ് അല്‍ ഖൈമയിലേക്കുള്ള വിമാനത്തിലാണ് കുടുംബം ടിക്കറ്റ് ബുക്ക് ചെയ്തത്. പുലര്‍ച്ചെ തന്നെ കുടുംബം എയര്‍പോര്‍ട്ടില്‍ എത്തുകയും പരിശോധനയ്ക്ക് വിധേയരാവുകയും ചെയ്തിരുന്നു. എന്നാല്‍ 12 വയസുള്ള കുട്ടിക്ക് വാക്‌സിന്‍ എടുത്തിട്ടില്ലെന്നും കുട്ടികള്‍ വാക്‌സിന്‍ എടുക്കണമെന്ന് റാസ അല്‍ ഖൈമയില്‍ നിയമമുണ്ടെന്ന് എയര്‍ ഇന്ത്യ വാദിച്ചു.

എന്നാല്‍ 12 വയസുള്ളവര്‍ക്ക് വാക്‌സിന്‍ നല്‍കുന്നത് തുടങ്ങിയിട്ടില്ലെന്ന് കുടുംബം അറിയിച്ചെങ്കിലും അധികൃതര്‍ ചെവികൊണ്ടില്ല. തുടര്‍ന്ന് പെണ്‍കുട്ടിക്കൊപ്പം എത്തിയ ബന്ധുക്കള്‍ അധികൃതരുമായി സംസാരിച്ചെങ്കിലും കാര്യമുണ്ടായില്ല. റാസ് അല്‍ ഖൈമയിലെ നിയമം ഇങ്ങനെയാണെന്നും ഇവിടെനിന്ന് ഒന്നും ചെയ്യാന്‍ സാധിക്കുകയില്ലെന്നും അധികൃതര്‍ അറിയിച്ചു.

എയര്‍ ഇന്ത്യയുടെ വെബ്സൈറ്റിലോ റാസ് അല്‍ ഖൈമയുടെ വെബ്സൈറ്റിലോ ഇത്തരമൊരു കാര്യമില്ലെന്നും പെണ്‍കുട്ടിക്ക് യാത്രം അനുവദിക്കാത്ത കാര്യം എഴുതിതരാന്‍ ബന്ധുക്കള്‍ ആവശ്യപ്പെട്ടെങ്കിലും അധികൃതര്‍ തുനിഞ്ഞില്ലെന്നും വിമര്‍ശനമുണ്ട്. എയര്‍പോര്‍ട്ട് അധികൃതരെ ബന്ധപ്പെട്ടെങ്കിലും എയര്‍ലൈനുമായി തങ്ങള്‍ക്ക് ബന്ധമില്ലെന്ന് അറിയിച്ചു. തുടര്‍ന്ന് രാത്രി ഒമ്പത് മണിയോടെ മറ്റൊരു വിമാനത്തില്‍ ഷാര്‍ജയിലേക്ക് പെണ്‍ക്കുട്ടിയെ യാത്രയാക്കുകയായിരുന്നു.

ബ്രേക്കിംഗ് കേരളയുടെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക Whatsapp Group | Telegram Group | Google News

More articles

കോട്ടയം അതിരമ്പുഴയിൽ നിന്നും 17കാരനെ കാണാതായി; അന്വേഷണം

കോട്ടയം: മാന്നാനത്ത് നിന്നും വിദ്യാർത്ഥിയെ കാണാതായി.ആഷിക് ബിനോയി 17 വയസിനെയാണ് രാവിലെ 9.30 മുതൽ കാണാതായത്. കണ്ട് കിട്ടുന്നവർ ഗാന്ധിനഗർ പോലീസ് സ്റ്റേഷനിലെ6282429097എന്ന നമ്പറിലോ ഈ നമ്പരിലോ ബന്ധപ്പെടണം.9847152422

മുഖ്യമന്ത്രിയെ കടന്നാക്രമിച്ച് അൻവർ; ‘തന്നെ കള്ളനാക്കി, സ്വർണ്ണം പൊട്ടിക്കലിൽ കസ്റ്റംസ്-പൊലീസ് ഒത്തുകളി’

മലപ്പുറം : പൊലീസിനും മുഖ്യമന്ത്രി പിണറായി വിജയനുമെതിരെ രൂക്ഷ ഭാഷയിൽ വിമർശിച്ചും സ്വർണ്ണക്കടത്തിൽ പൊലീസ് -കസ്റ്റംസ് ബന്ധം ആരോപിച്ചും നിലമ്പൂരിലെ രാഷ്ട്രീയ വിശദീകരണ യോഗത്തിൽ പി.വി അൻവർ എംഎൽഎ. പൊലീസിനെതിരെ പറഞ്ഞതിന് മുഖ്യമന്ത്രി...

‘ആർഎസ്എസ് പ്രമാണിമാരോട് കിന്നാരം പറയുന്നയാൾ എഡിജിപി പദവിയിക്ക് അർഹനല്ല, മാറ്റിയേ തീരൂ’കടുത്ത നിലപാടുമായി സിപിഐ

തൃശ്ശൂർ : എ.ഡി.ജി.പി എം.ആർ. അജിത്ത് കുമാറിനെ ക്രമസമാധാന ചുമതലയിൽ നിന്നും മാറ്റിയെ തീരൂവെന്ന് സി.പി.ഐ സംസ്ഥാന സെക്രട്ടറി ബിനോയ് വിശ്വം. സി പി ഐയുടെ കയ്പമംഗലം മണ്ഡലം കമ്മിറ്റി ഓഫീസായ പി...

പൂർണ നഗ്നനായ ട്രംപ്, വിഷാദ ഭാവം; ലാസ് വേഗസില്‍ കൂറ്റൻ പ്രതിമ, വൈറലായ പ്രതിമയുടെ അടിക്കുറിപ്പ് ഇങ്ങനെ

ലാസ് വേഗസ്: അമേരിക്കന്‍ പ്രസിഡന്‍റെ തെരഞ്ഞെടുപ്പില്‍ റിപ്പബ്ലിക്കന്‍ സ്ഥാനാര്‍ഥിയായ ഡൊണാള്‍ഡ് ട്രംപിന്റെ ഭീമൻ നഗ്ന പ്രതിമ നടുറോഡില്‍.  യു.എസ്സിലെ നൊവാഡ സംസ്ഥാനത്തെ ലാസ് വേഗസ് നഗരത്തിലാണ് 43 അടി വലിപ്പമുള്ള ഭീമാകാരന്‍ പ്രതിമ...

വാഹനാപകടത്തിൽ എയർബാഗ് മുഖത്തമർന്ന് മാതാവിന്റെ മടിയിലിരുന്ന രണ്ടു വയസ്സുകാരി ശ്വാസംമുട്ടി മരിച്ചു

മലപ്പുറം: കോട്ടയ്ക്കല്‍ - പടപ്പറമ്പില്‍ കാറും ടാങ്കർലോറിയും കൂട്ടിയിടിച്ചുണ്ടായ അപകടത്തില്‍ രണ്ട് വയസുകാരിക്ക് ദാരുണാന്ത്യം. എയർബാഗ് മുഖത്തമർന്നതിനെത്തുടർന്ന് മാതാവിന്റെ മടിയിലിരുന്ന രണ്ടു വയസ്സുകാരി ശ്വാസംമുട്ടിയാണ് മരിച്ചത്. കഴിഞ്ഞ ദിവസം വൈകിട്ട് മൂന്ന്...

Popular this week